WASHINGTON —
Umkhokheli welinye lamacele ebandla leMovement for Democratic Change umnumzana Morgan Tsvangirai ujabulela ukubuyela kwamalunga amabili abekade esebandleni lakhe ngesikhathi libunjwa ngomnyaka ka1999 kodwa aphuma esiyabumba awabo ngezizatho ezehlukeneyo, ethi kuyinto encomekayo. Utsho lokhu uTsvangirai esemukela uMnu. Job Sikhala loMnu. Joubert Mudzumwe emhlanganweni lentathelizindaba owenzelwe e Harvest House eHarare ngoLwesine.
Ababili laba abethulwe okusemthethweni ngobengumkhokheli welinye lamacele e MDC 99 umnumzana Job Sikhala kanye lobengumgcinisihlalo kwelinye njalo icele le MDC ebelikhokhelwa ngu Proffessor Arthur Mutambara, ngemva kokuphatha sikhundla esifanayo kucele elikhokhelwa ngu Proffessor Welshman Ncube, umnumzana Joubert Mudzumwe.
Lesi sehlakalo siza ngemva kokuba uTsvangirayi eke wakhankasela umanyano walawo malunga abeke baphuma kulelibandla athi balibumba bendawonye ngomnyaka ka 1999, bekhonona ngezizatho ezehlukeneyo,abumba amabandla abo.
UTsvangirayi utshele intathelizindaba ukuba le yindlela yokuvuselela lelibandla, liqine ekuthini lanelise ukumisana lele Zanu PF.
Oqale ukwethula amazwi akhe, emhlanganweni lentathelizindaba, wokwamukelwa kwabo ebandleni le MDC - T okusemthethweni, umnumzana Joubert Mudzumwe, ugcizelele udaba lokuqakatheka kokumanyana.
Kuthi uSikhala yena uveze ukuba uthethe lelinyathelo lokuba abuyele ayemanyana loTsvangirayi ngemva kokuba emncenge okwesikhathi eside.
Uqhubeke ethi esinye isizatho yikuthi uqakathekisa intando kazulu ethi lumanyano wababekade bekilo kusukela lisungulwa kuyibona kuphela abangalibuyesela kusimo ebelikuso ngomnyaka ka 1999.
Wakhuthaza uTsvangirayi ukuba axolele labo abalokhe bengasemukeli lesi sicelo ngezizatho ezimbalwa, ukuba babuyele ebandleni alikhokhelayo.
Emhlanganweni lo uTsvangirayi uthi wenze lesi sicelo somanyano amaviki amabili edluleyo sokukhuthaza bonke abaphuma ebandleni bayasungula awabo, ngendlela yokulivuselela njengoba libhekane lenkinga okwamanje, ukuze liqine njengalokho abeliyikho khona eminyakeni yakuqala lisanda kubunjwa.
Wengeza ethi akekho obanjwa ngamandla ukubuyela kulelibandla kodwa ofunayo ulakho ukusilandela lesi sicelo kulabo abaphume kilo ababalisa u Proffessor Welshman Ncube, u Proffessor Lovemore Madhuku kanye lomkhokheli webandla le Mavambo/Kusile u Dr Simba Makoni.
Ukuhlaziya loludaba, uSithandekile Mhlanga weStudio 7 uxoxe loMnu. Abednico Bhebhe, umsekeli kamqoqi wenhlelo ze MDC-T endawonye loMnu. Dumisani Nkomo, ingcwethi ecubungula ezombusazwe.
Ababili laba bavumelene ukuthi kumqoka ukuthi amabandla atshiyeneyo amanyane nxa efuna ukunqoba ibandla leZANU PF kukhetho oluzayo.
Kodwa uMnu. Nkomo ugcizelela ukuthi kufanele ibandla leMDC-T lilungise ingxabangxaza yalo lingakemukeli amalunga amatsha.
Ababili laba abethulwe okusemthethweni ngobengumkhokheli welinye lamacele e MDC 99 umnumzana Job Sikhala kanye lobengumgcinisihlalo kwelinye njalo icele le MDC ebelikhokhelwa ngu Proffessor Arthur Mutambara, ngemva kokuphatha sikhundla esifanayo kucele elikhokhelwa ngu Proffessor Welshman Ncube, umnumzana Joubert Mudzumwe.
Lesi sehlakalo siza ngemva kokuba uTsvangirayi eke wakhankasela umanyano walawo malunga abeke baphuma kulelibandla athi balibumba bendawonye ngomnyaka ka 1999, bekhonona ngezizatho ezehlukeneyo,abumba amabandla abo.
UTsvangirayi utshele intathelizindaba ukuba le yindlela yokuvuselela lelibandla, liqine ekuthini lanelise ukumisana lele Zanu PF.
Oqale ukwethula amazwi akhe, emhlanganweni lentathelizindaba, wokwamukelwa kwabo ebandleni le MDC - T okusemthethweni, umnumzana Joubert Mudzumwe, ugcizelele udaba lokuqakatheka kokumanyana.
Kuthi uSikhala yena uveze ukuba uthethe lelinyathelo lokuba abuyele ayemanyana loTsvangirayi ngemva kokuba emncenge okwesikhathi eside.
Uqhubeke ethi esinye isizatho yikuthi uqakathekisa intando kazulu ethi lumanyano wababekade bekilo kusukela lisungulwa kuyibona kuphela abangalibuyesela kusimo ebelikuso ngomnyaka ka 1999.
Wakhuthaza uTsvangirayi ukuba axolele labo abalokhe bengasemukeli lesi sicelo ngezizatho ezimbalwa, ukuba babuyele ebandleni alikhokhelayo.
Emhlanganweni lo uTsvangirayi uthi wenze lesi sicelo somanyano amaviki amabili edluleyo sokukhuthaza bonke abaphuma ebandleni bayasungula awabo, ngendlela yokulivuselela njengoba libhekane lenkinga okwamanje, ukuze liqine njengalokho abeliyikho khona eminyakeni yakuqala lisanda kubunjwa.
Wengeza ethi akekho obanjwa ngamandla ukubuyela kulelibandla kodwa ofunayo ulakho ukusilandela lesi sicelo kulabo abaphume kilo ababalisa u Proffessor Welshman Ncube, u Proffessor Lovemore Madhuku kanye lomkhokheli webandla le Mavambo/Kusile u Dr Simba Makoni.
Ukuhlaziya loludaba, uSithandekile Mhlanga weStudio 7 uxoxe loMnu. Abednico Bhebhe, umsekeli kamqoqi wenhlelo ze MDC-T endawonye loMnu. Dumisani Nkomo, ingcwethi ecubungula ezombusazwe.
Ababili laba bavumelene ukuthi kumqoka ukuthi amabandla atshiyeneyo amanyane nxa efuna ukunqoba ibandla leZANU PF kukhetho oluzayo.
Kodwa uMnu. Nkomo ugcizelela ukuthi kufanele ibandla leMDC-T lilungise ingxabangxaza yalo lingakemukeli amalunga amatsha.
Your browser doesn’t support HTML5
Ingxoxo LoMnu. Abednico Bhebhe Endawonye LoMnu. Dumisani Nkomo