Isalakuzi ebesidume kakhulu ngokulwela amalungelo abantu ikakhulu abathenga bethengisa impahla koBulawayo, uGogo Rose Nyathi, owabhubhela esibhedlela seMpilo ngemva kokugula okwesikhatshana uphiwe isicoco senhlonipho yedolobho lakoBulawayo njalo uzabekwa emangcwabeni amaqhawe edolobhoni leli eLady Stanley ngoLwesibili.
Izakhamizi zedolobho lakoBulawayo zihlulukelwe ngemva kokulahlekelwa ngugogo wodumo obesazakala ngokuhlekisa lokulwela ukuhlanzeka edolobheni leli. Udabukile ugogo waye ngumnganewakhe uNaka Farai.
Obesebenza logogo bethenga bethengisa amaqanda, imbhida lokunye uThabani Mpala uthi ulahlekelwe kakhulu.
Uyakhala loGogo uMirriam losakhulayo othenga ethengisa uNkosi Mpofu uthi kubuhlungu ukubhubha kuka MaNyathi.
Ongumlandeli omkhulu kaGogo Rose kumakhasi okuzilibazisa awesocial media uWendile Dube uthi wafunda okunengi kuGogo Rose.
Idolobho lako Bulawayo limnikeze isicoco sokubaliqhawekazi lakoNtuthuziyathunqa. Ukhansila kaWard 7 obekuhlala khona ugogo, uNkosazana Thandiwe Moyo, ubuka imsebenzi kaMaNyathi.
Abantu babuthene endlini yakhe eMakokoba njalo uyangcwatshwa kusasa eLady Stanley Cemetary lapho okulele khona amaqhawe agoqela uSazini Ndlovu, Lookout Masuku, Adam Ndlovu, Mercedes Sibanda, Ernest Maphepha Sibanda labanye abenza imisebenzi etshiyeneyo enjengokudlala umdlalo wenguqu lokulwa impi yenkululeko.
SEE ALSO:
Udaba Esilwethulelwe NguEzra Tshisa Sibanda