Obengusikomitshi wamapholisa uMnu Godwin Matanga udedele usikomitshi omutsha ngokusemthethweni ngoLwesihlanu uMnu Stephen Mutamba walandula ukuthi ubesala ukusuka esihlalweni ngemva kokususwa nguMongameli Emmerson Mnangagwa esesiya kumpentsheni.
Ekhuluma emkhosini oqhutshelwe eMkushi Police Academy, eHarare, uMatanga uthe wehle esikhundleni lesi kuhle ekupheleni kukaMpalakazi njengalokhu okwakuhlelwe nguMnangagwa.
UMnu Matanga ubekhuluma phezu kwembiko ethulwe enkundleni zokuxhumana ngoLwesine ebisithi ubelokhe esiya emsebenzini ngoba esithi uMnangagwa akamtshelanga ngendlela eqondileyo ukuthi usekhethe usikomitshi omutsha.
Isikhulumeli samapholisa uMnu Paul Nyathi laye uphange wakulandula lokhu.
Ukuguqulwa kobukhokheli bamapholisa kuza ngesikhathi abanye bekhala ngokuthi amapholisa ephula amalungelo ngokubopha abantu mahlayana, ikakhulu abamabandla aphikisayo kanye lokuhlukuluza umphakathi.
Olwela amalungelo oluntu uMnu Effie Dlela Ncube utshele iStudio 7 ukuthi ukuthi uMutamba kumele eqakathekise inhlelo zokulondoloza amalungelo kazulu.
Your browser doesn’t support HTML5
Ingxoxo loMnu Effie Dlela Ncube