WASHINGTON DC —
Umhleli wephephandaba leThe Sunday Mail uMnu. Edmund Kudzai lokhu evalelwe esitokisini se Harare Central kulandela ukubotshwa kwakhe izolo. Lanxa amapholisa elokhu engakazisi ukuthi uKudzayi wetheswa cala bani ucatshangelwa ukuthi engaba ebhekane lamacala ambalwa abalisa ukufuna ukugenqula umbuso weZanu PF, lokweyisa amandla kaMongameli engakasebenzeli iphephandaba le The Sunday Mail.
Amapholisa abikwa lokhu edinga omunye njalo umhleli wephephandaba le The Zimbabwe Independent, uMnu. Dumisani uMuleya yena okukhefu. Izehlakalo lezi zilandela imbiko kaMongameli Robert Mugabe lapho athuke umphathintambo wezokwethulwa kwembiko, uMnu. Jonathan Moyo ngokuqatsha abahleli bamaphepha kahulumende ababethuka ibandla le Zanu PF bengakalisebenzeli.
Kodwa yena uMoyo namuhla uthe ukubotshwa kuka Kudzayi kutshengisa ukuba kulokusebenza kwamapholisa lomthetho elizweni. Esethula amazwi akhe koBulawayo embuthanweni wokuphutsha izifundo zekolitshi yentathelizindaba uMoyo uthe uzulu engethuki ngokubotshwa kuka Kudzayi.
Ingcwethi kwezombusazwe zithi lesi sehlakalo siveza ukulwisana kwenhlangothi ezitshiyeneyo zebandla leZanu PF ezifuna ukubusa ngemva kokuba uMugabe esetshiye isikhundla. Kucatshangelwa ukuthi kulexuku elikhokhelwa ngumsekeli kamongameli, uNkosikazi Joyce Mujuru lelinye elikhokhelwa nguMnu. Emmerson Mungangagwa.
Kodwa isikhulumeli sebandla leZanu PF uMnu. Rugare Gumbo ulandule lokhu esithi ibandla leZanu PF kalilani lokubotshwa kuka Kudzayi kodwa ngamapholisa azenzela umsebenzi wawo nje kuphela.
UChris Gande weStudio Seven uxoxe lengcwethi kwezokuthulwa kwembiko, uMnu. Zenzele Ndebele ukuze sizwe imbono yakhe ngaloludaba.
Amapholisa abikwa lokhu edinga omunye njalo umhleli wephephandaba le The Zimbabwe Independent, uMnu. Dumisani uMuleya yena okukhefu. Izehlakalo lezi zilandela imbiko kaMongameli Robert Mugabe lapho athuke umphathintambo wezokwethulwa kwembiko, uMnu. Jonathan Moyo ngokuqatsha abahleli bamaphepha kahulumende ababethuka ibandla le Zanu PF bengakalisebenzeli.
Kodwa yena uMoyo namuhla uthe ukubotshwa kuka Kudzayi kutshengisa ukuba kulokusebenza kwamapholisa lomthetho elizweni. Esethula amazwi akhe koBulawayo embuthanweni wokuphutsha izifundo zekolitshi yentathelizindaba uMoyo uthe uzulu engethuki ngokubotshwa kuka Kudzayi.
Ingcwethi kwezombusazwe zithi lesi sehlakalo siveza ukulwisana kwenhlangothi ezitshiyeneyo zebandla leZanu PF ezifuna ukubusa ngemva kokuba uMugabe esetshiye isikhundla. Kucatshangelwa ukuthi kulexuku elikhokhelwa ngumsekeli kamongameli, uNkosikazi Joyce Mujuru lelinye elikhokhelwa nguMnu. Emmerson Mungangagwa.
Kodwa isikhulumeli sebandla leZanu PF uMnu. Rugare Gumbo ulandule lokhu esithi ibandla leZanu PF kalilani lokubotshwa kuka Kudzayi kodwa ngamapholisa azenzela umsebenzi wawo nje kuphela.
UChris Gande weStudio Seven uxoxe lengcwethi kwezokuthulwa kwembiko, uMnu. Zenzele Ndebele ukuze sizwe imbono yakhe ngaloludaba.
Your browser doesn’t support HTML5
Udaba lokubotshwa kukaEdmund Kudzai umleli weThe Sunday Mail