Amapholisa ayalele inhlanganiso elwela ilungelo likazulu eye ZimRights imvumo yokwenza umhlangano edolobheni le Chitungwiza ngoLwesihlanu esebenzisa umthetho we POSA.
KoBulawayo amapholisa ethese isiphathamandla sebandla le MDC-T Renewal, uMnu. Reggie Moyo icala lokuqoqa umhlangano ozakwenziwa kusasa eMakokoba esithi kawukho emthethweni.
Umkhokheli we ZIMRIGHTS, uMnu. Okay Machisa utshele iStudio Seven ukuthi amapholisa ahlomileyo ngemibhobho abangenele emhlanganweni wabo bawucitha besithi kawukho emtheweni lanxa bebelencwadi evela kubo ebavumelayo.
UMachisa uthi sebezakweza loludaba emthethwandaba we Constitutional Court ukuze lumthetho ungavimbi uzulu ukuthi enze imihlangano ekhululekile.
UMoyo, obikwa ezamiswa phambi komthethwandaba ngeviki ezayo, utshele iStudio Seven ukuthi umhlangano wabo wangoMgqibelo owokumanyanisa ibandla le Renewala lecele leMDC ekhokhelwa nguMnu. Welshman Ncube uzaqhubekela phambili.
Your browser doesn’t support HTML5
Udaba lokwaliswa kwemihlangano phansi komthetho wePOSA