Ikomiti yedale le phalamende ebona ngezemfundo imidlalo lamasiko ibambe umhlangano labaphatheka emisebenzini ye Art eHarare ngenjongo yokwamukela izikhalazo zabo ngenhlupho ababhekane lazo kuntuthuko yalumsebenzi eZimbabwe.
Likhomiti ingene umhlangano wamalanga amabili ophele ngoLwesithathu eHarare ikhokhelwa ngosaphethe isikhundla sikamgcinisihlalo wayo umnumzana Fanie Munengami yalalela izikhalazo zama Artist abathi sebelesikhathi eside bekhala ngenhlupho ezifanayo kodwa zingalungisiswa.
Umnumzana Butholezwe Nyathi uthi udubo olukhulu yikusilela kosekelo lwemali kudaba lwentuthuko yemisebenzi yabo.
Odume emsebenzini weArt uCont Mhlanga
Umnumzana Cont Mhlanga odume kweze Art othi secine esetshiyana lazo ekhetha ukuyazihlalela emaphandleni eLupane. Utshele lumhlangano ukuba noma lungeko usekelo olukhanyayo oluvela kuhulumende imali ikhanya ikhona elakho ukuphathisa udubo yikuba isetshenjiswa ngendlela ezingayisizo.
Okwamanje kulenhlanganiso eziphathisa lapha lalaphaya emisebenzini ye Art eZimbabwe ezigoqela, I-Culture Fund, I- Hivos, Old Mutual le Delta phakathi kwezinye noma leyo mali ingeneli.
UMhlanga uthi inqobe isisalele kwabasakhulayo abasemsebenzini lo oweArt, iziphathamandla zikahulumende ezingakagugi kunye lamalunga edale lephalamende ukuba bethathele imisebenzi le phezulu besebenze ngendlela zakulezi nsuku .Uthi sokudingakala ukuba kubanjwe imihlangano yokuba izimali ze Art zisetshenjiswe lapho ezidingakala khona.
Umnumzana Munengami uthi I committee yakhe ithatha udaba lwamasiko njengento eqakathekileyo kakhulu njalo babone kufanele ukuba bezwe inking zama Artist ethi amasiko sengaphazamiswa yindlela zokuzilibazisa zenkundla zebulenjini eze social media.
Elinye ilunga lali committee uNkosikazi Molly Mkandla uthi njenge committee baqakathekisa ukuvikelwa kwamasiko. Uthi njengoba I committee le ilamalunga avela kundawana ezitshiyeneyo iqakathekisa ukuba ihlole umumo wezinto lasezabelweni zabo kumasiko lokudinga indlela zokuwathuthukisa.
UMunengami uthi bazathatha izikhalazo zama artist bazifake ku report ezabekwa phambi kwedale lephalamende ukuze inkinga lezi zilungisiswe.
Umhlangano lo ungenwe ngabaphatheka ku art abalodumo abagoqela uCont Mhlanga, uDaves Guzha lo Stephen Chifunyise.