Amacele womabili eMDC sesole amazwi ethulwe ngumgcinisihlalo weZanu PF, uMnu Simon Khaya Moyo okuthi abasekeli beZanu PF kumele baphindisele nxa bethe bahlaselwa ngabeMDC.
UMoyo utshele abasekeli beZanu PF ngempelaviki eGweru ukuthi kumele belondoloze ukuthula, kodwa nxa bengahlaselwa, kumele labo balwe bazivikele. Inengi lithi amazwi kaKhaya Moyo la akhuthaza udlakela kwezombusazwe.
Amazwi akhe aza kungakedluli nsukuzatshwala abakhokheli bamabandla akuhulumende wenkazatho abathi uMongameli Mugabe, uMnu Morgan Tsvangirai loMnu Welshman Ncube bekhuthaze ukuthula elizweni.
Ummeli weMangwe edale lephalamende elilunga njalo leMDC ekhokhelwa nguNcube, uMnu Edward Mkhosi uthe amazwi kaKhaya Moyo alihlazo ngoba ekhuthaza udlakela.
Amazwi kaMkhosi agcizelelwe lilunga leJomic njalo engumsekeli wesikhulumeli seMDC ekhokhelwa nguMnu Tsvangirai uNkosazana Thabitha Khumalo.