Kuhlelo lwezizalwane zeZimbabwe ezihlala emazweni, ngoLwesithathu sixoxe loMnu. Zenzo Ncube ohlala eLondon, eBhilithane.
UNcube uthi loba nje besemangweni bayelisa ukukhulisa abantwana ngemfanelo njalo lokuthola ukudla okunjengalokho okudliwa eZimbabwe.
Uthi umfushwa, indumba, indlubu, umhwabha lolunye okufanayo nguthaphutshiye.
‘Kwakuhlupha kudala ukuthola konke lokhu kodwa okwamanje sokulezitolo ezithengisa ukudla okuhambelana lalokho okudliwa eZimbabwe. Bakhona abachaya umhwabha omnandi njengalowo otholakala ekhaya.”
Uphinde wathi uyasebenza eBhilithane lapho ahlala khona lomkakhe lomntwana owaya kulelolizwe esekhulakhulile.
“Umbono wami yikuthi kunzima ukukhulisa umntwana lapha eBhilithane ngenxa yokuthi abantwana bayayengana bacine besenza okungalunganga. Into eqakathekileyo yikuthi umuntu kumele abalonde abone ukuthi benzani ukuze bakhule kuhle.”
Banengi abantwana bezizalwane zeZimbabwe abahlala kwamanye amazwe.