Othakazelela ukutshova intshelelezani uMeli Ndlovu labanye ababili abadabuka eZimbabwe sebefikile emngceleni wakwele South Africa lele Zimbabwe eMusina kuhambo lwabo lokuvezela uzulu ingozi yezidakamizwa.
Omunye wabahamba loMnu. Meli Ndlovu usedinwe emzimbeni ngakho-ke kasoze aqhubeke ngohambo lokuya koBulawayo.
Basuke ngoMvulo ekuseni eMidrand kwele South Africa njalo bakhangelelwe ukuba bazafika koBulawayo ngoLwesithathu.
UNdlovu uthi bake bakhatshwa ngabantu abafika phose itshumi kwathi webefika eMusina sebebathathu. Omunye wabo ubesegula ngesikhathi befika kuleyondawo.
UNdlovu wake wenza uhambo olufanayo eyedwa wasekelwa ngabantu abanengi kulabanye ababethandabuza ukuba uhamba ngentshelelezani esuku kwele South Africa esiye eZimbabwe.
Okwamanje uthi ukukhatshwa kwakhe ngabadabuka eZimbabwe kuveza mhlophe ukuba utshova intshelelezani esuka eJohannesburg esiya koBulawayo.