Uzulu weChitungwiza ujabule okwamagama emdlalweni wokuzilibazisa owe Shoko Festival abawenzelwe kungela mbadalo ngempelasonto yinhlanganiso yeMagamba ngenjongo yokuphathisa abaswelayo ikakhulu abahlala emizini yabanengi.
Lumdlalo usungule ngezifundo ze silungu I-English Literature kuzifundi ezivela ezikolweni zeChutungwiza mahala ezigoqela I Zengeza High 1, Zengeza 2 le Excel College zikhokhelwa yimbongi yakwele Bilitani u Fransesca Beate efundisa ingwalo zika Shakespear. UChido Tembo we Magamba uthi lokhu luncedo kuzifundi kakhulu:
UShingai Mugero uthi ufunde okunengi kulezi zifundo zikhokhelwa yiBritish Council ethi kwelakusasa ufisa ukuba bengezele izifundo ekuphendulweni kwemihloliso.
UMichel Musekwa uthi sezwisisa lezizifundo kangcono njalo lenqondo yakhe isivulekile, ikanti u Tinevimbo Majoni yena esithi indlela izifundo ezenzwe ngayo igoqela I drama ibe ngejabulisayo.
Umnumzana Marvelous Khumalo wenhlanganiso yezakhamizi ze Chutungwiza uthi bayasibonga kakhulu ukwenza okunje ngesikhathi abantu bebhekane lenkinga empilweni zabo:
Uthi lokhu kunikeza abantu ithuba lokuzijabulisa bekhohlwa okwesikhatshana inkinga zemihla le mihla ezigoqela ukusilela kwamanzi, amagetsi, imigwaqo emagodigodi kunye lezikwelede. I Show le ihlanganisele ezokucula lama m.c igoqela abatsha labadala:
U Ras meli okhokhela I Peace in the Hood uthi baphatheka kunhlelo ezinje ngenhloso yokukhuthaza ukuthula kundawana abahleli kizo besebenzisa indlela ezitshiyeneyo:
U mnumzana Emmanuel Gasa osebenzelana lenhlanganiso zabatsha uphathise ekunikezweni kwengwalo zokufundisa abatsha ababuye ngobunengi babo kulumdlalo ukuzivikela kusifo sengculaza ese HIV/Aids phansi kwe Young People’s Network on HIV and Aids.
Umdlalo we Shoko Festival wenziwa kanye ngomnyaka njalo eminye imidlalo ilosekelo lwe nhlanganiso ezigoqela I British council, Culture fund, Danida lesigodlo sommeli weSweden eZimbabwe.
Your browser doesn’t support HTML5
AbeChtiungwiza balibaziswa ngumdlalo weShoko Arts Festival