WASHINGTON DC —
Owayengumkhokheli weCCC njalo oqoqa ukusungula ibandla elitsha uMnu Nelson Chamisa wenzele amhlophe umholi kahulumende weBhilithane omutsha uMnu Keir Starmer ngokunqoba kukhetho olusanda kwedlula esithi uloyisa ukuba iBhilithani iqinise ubudlelwano bayo leZimbabwe, yona athi ilohulumende ongamukelwa ngamanye amazwe ngenxa yokhetho olungahanjiswa kuhle.
Eloba enkundleni yeX ngeSonso, uChamisa uthe njalo eleZimbabwe lithwele nzima ngombuso omubi kanye lenkohlakalo.
UStarmer, owebandla leLabour ungene embusweni ngemva kokunqoba obeyinhloko kahulumende uRishi Sunak lebandla lakhe lamaConservatives.
Ibandla leli beselibuse okweminyaka elitshumi lane, 14 years ilandelana kuyilo elihlala linqoba kukhetho.