Umbukiso wezokudla kwesintu uthakazelelwe ngabanengi eHarare kule nkuthazo yokusetsenjiswa kokudla okunje njengendlela yokuthuthukisa impilakahle yabantu labantwana abasakhulayo abalenkinga yokungakhuli ngemfanelo ngenxa yokungatholi ukudla okwakha umzimba.
Ubengumbuthano wemhuli yonke kulokudla lomculo wokujabulisa uzulu eHarare Botanical Gardens ngempelasonto.
Kuhlangane uzulu ngobunengi bakhe kugoqela abensundu labamhlophe labavela kuzabelo ezitshiyeneyo betshengisa abakwenzayo.
UNkosikazi Siphathisiwe Ncube ngumlimi olima esebenzisa umquba hatshi imvundiso zama fertiliswe emangweni we Matobo othi njengabantu abasebenzela endaweni engani kuhle izulu bakhetha ngobunono abamele bakulime.
Izilimo ezihambelana labo zigoqela amazambane, amakhabe, amajodo, inyauthi lamakhomane. Ngaphandle kwalokhu bafuya imbuzi, inkomo le nkukhu.
Unkosikazi Cola Nyathi ovela ko Malaba uthi baqakathekisa ukulima izilimo ezivuthwa masinyane besesabela ukusilela kwezulu. Uthi kunje lonyaka besabela umumo womkhathi ngoba kulenkulumo ethi kungaba lendlala izulu lilakho ukungani kuhle eZimbabwe.
Umnumzana Hilary Maphosa ophatheka emsebenzini wokufuya inkukhu uthi ezasemakhaya ezibizwa ngokuthi ngama road runner ngenye yendlela engasusa ubuyanga ebantwini ukuze zingazikhangelelwa phansi.
Osakhulayo u Farai Mudeye olima ese Wedza uthi noma elezifundo zedegree le Environmental Science ukhethe ukuba engasebenzeli abanye kodwa ephile ngokufuya zona inkukhu zemakhaya ngoba zimnikeza inzuzo ezwayo. Ethi usebenzisa imithi yezihlala efana lo Muringa owelapha izifo ezinengi, ummulberry owelapha ama tape worm njalo ulokudla kweprotein le Aloe Vera eyenza ukuba inkukhu zakhe zikhule kuhle ethi secine elungisa I powder ayithengisayo kulumsebenzi ihlanganisa imithi etshiyeneyo.
Unkosikazi Beauty Jiji wenhlanganiso yeZimbabwe Free Range Poultry Producers Association uthi bakhuthaza bonke abaphatheka ekufuyeni inkukhu ukuba befuye lenyoni zama Quail ngoba zinikeza umlimi inzuzo ngokuphangisa. Uthi inyoni lezi zidinga indawo encane nje ukuba uzifuye kodwa ungazithengisa uphinde uthengise lamaqanda azo.Linyama ihlala idingakala ezitolo ngoba isilela kugoqela lamaqanda azo okwenza ukuba kudule .
Umnumzana John Wilson ongomunye wabaqoqi balumbukiso uthi abantu kumele benanzelele ukuba ukudla kwesintu kuqakatheke kanganani kumpilakahle zabo ethi kulakho ukwehlisa udubo lokungakhuli kuhle kwabantwana osokusimo sokungamatshumi amathathu ekhulwini eZimbabwe.
Your browser doesn’t support HTML5
Umbukiso wokudla kwendulo