Umbukiso wezokulima oweHarare Agricultural Show usungule lamhlanje kubukisqa amabhizimusi aphathelane lezokulima, izifuyo lezilimo ezitshiyeneyo.
Lumbukiso uvule amasango awo kuzulu ngoMvulo ungenwa ngabantu abalutshwane njengokuvame ukwenzakala kulanga lakuqala kubukiswa izilimo lezifuyo ezigoqela izimvu, inkomo, ingulube inkukhu amadada, ongalukhuni, imvundla lokunye.
Ikolitshi lomsebenzi wokulima oweChibero College of Agriculture
Amakolitshi emfundo yaphezulu eMandebeleni athathele phezulu lelithuba ekhuthaza ukusekelwa kwezokulima ngokunikeza izifundo ezizwayo kiwo.
Umnumzana Tapiwa Gumbo weGwanda State University uthi ekolitshini lakhe bafundisa ezokulima lezokwemba ethi abantu kabaqelise imfundo yabo kwezokulima ukuze bathuthukise ilizwe.
Umnumzana Dlamini we Lupane State University uthi ikolitshi lakhe lalo lqakathekisa izifundo zokulima lkakhulu amabele.
Ikolitshi leLupane State University
UDlamini uthi i-Lupane State University ebilokhe isebenzela ko Bulawayo isilungiselela ukuyasebenzela eLupane.
Izabelo zeMandebeleni ezidibana lodubo lokungani kuhle kwezulu zidume ngemisebenzi yokufuya.
Abantu beZimbabwe banikezwa amapulazi phansi kohlelo lokuhlalisa abantu kutsha kodwa inengi alila lwazi olwenelayo kwezokulima noma befisa ukuzama ukuziphilisa ngalumsebenzi.
Uhulumende we Zimbabwe uthi imisebenzi yezokulima iqakathekile kakhulu njalo yiyo engavuselela umnotho welizwe ingaqutshwa kakuhle.
Okwamanje ilizwe libhekana lendlala osokubangele ukuba ilizwe lithenge umumbu phandle kwelizwe. Ingcitshi zithi udubo yikusilela kolwazi kulabo abanikezwa amapulazi kunye lokusilela kosekelo lwemali yokuba bethuthukise imisebenzi yabo ngendlela ezwayo.I Harare Show iphela ngoMgqibelo kuyonale iviki.
Your browser doesn’t support HTML5
Udaba lombukiso oweHarare Agricultural Show siluphiwa nguMark P. Nthambe