Umbukiso olodumo wababaza izithombe lokudweba imifanekiso owenziwa kanye ngomnyaka usungule eArt Gallery ye Zimbabwe ngemva kweminyaka edlula elitshumi ume ukwenziwa ngenxa yokusilela kwemali. Inyathela lokuvuselela lumbukiso yinto ekhanya yamukelwe ngenjabulo enkulu ngabakulumsebenzi eZimbabwe.
Umnumzana Raphael Chikukwa ongu Curator we Arts Gallery of Zimbabwe uthi lumbukiso owawusaziwa ngegama lokuthi yi Zimbabwe Heritage usuphenduka ngaphansi kwegama elitsha elithi Zimbabwe Annual Arts Exhibition ngemva kwesikhathi eside ungasebenzi njalo utshengisa imisebenzi ye art edlula engamakhulu amane- 400.
Ukubukiswa kwemisebenzi ye Art yakuleli kuzahlanganisela umncintiswano wokukhetha imisebenzi elungiswe ngobuciko obukhulu engathola imivuzo.U Chikukwa uthi kuzaba lemivuzo etshiyeneyo ezanikezwa ama artist aphumelelayo:
Umnumzana Chikukwa uthi izizalwane ze Zimbabwe ziyavunyelwa ukuncintisa ezigabeni ezitshiyeneyo njalo yonke imisebenzi ye art egoqela imifanekiso, ukudweba, ukubaza izithombe zezigodo lezamatshe, igraphics lokunye ethi inane lababhalise ukungena kulumncintiswano abalalo okwamanje liyajabulisa okwamagama.
Lumbukiso oyabe osuzakwenziwa minyaka yonke kusukela lonyaka uzadonsa kuze kube mhlaka 29 Zibandlela womnyaka ozayo ka 2015 khona eArt Gallery ye Zimbabwe.