Indawo ebukiswa imbali yelizwe eye National Gallery isungule umbukiso owenziwa kanye ngomnyaka owe Zimbabwe Annual Exhibition onikeza amathuba abaphatheke kweze Art etshiyeneyo ukuba betshengise ubuncitshi bemisebenzi yabo.
Indawo ebukisa imbali yesizwe eye Harare National Arts Gallery
Lumbukiso obizwa ngokuthi “Mharidzo” uqakathekisa imbono yama Artists kudaba lomthandazo lendaba zenkolo.
Umnumzana Raphael Chikukwa ongu Curator kuli gallery uthi kuyajabulisa ukuba kulabakumsebenzi weArt abanengi abeze ukuzobukisa kuwo ukuze batshengisa ubuncitshi emisebenzini yabo.
Unkosazana Edith Woutunga ongumculi uthi ngesikhathi ama Artist ebhekana lobunzima bendawo zokusebenzela, ngakhoke indawo ezifana le National Gallery lemisebenzi yawo, ziyaphathisa kakhulu bona njengama Artist ukuba efuqe ukuthuthukisa lokho akwenzayo.
UChikukwa uthi ngaphandle kokunikeza ithuba elinje kuma artist babone kufanele ukuba ama artist ethole imvuzo ukuze bethole amadlabuzane okuya phambili. Uthi noma kunjalo abantu lokhe besilela bengakakuzwisisi ukuba i art itshoni ikakhulu abamele bebuye ukuzoyibona ethi ukuthuthuka osokusenza ezokwethekelelana kungaphathisa ukwengezelela kwabathenga i Art kwelakusasa.
Umbukiso owe National Arts Gallery
Umbukiso we "Mharidzo" utshengisa kabanzi indlela abantu abathatha ngayo ezenkonzo kundlela abaphila ngayo usebenzisa indlela ezitshiyeneyo ezigoqela izithombe, imfanekiso, ukudweba lokunye okunengi nengi njalo uzadonsa kusukela lamhlanje kusiya fika ekupheleni kukaZibandlela 2016.