Indawo ebukiswa imisebenzi yeArt eye National Arts Gallery of Zimbabwe inanza imisebenzi yabesifazane embukisweni wayo ophansi kwesihloko esithi ‘Out of Darkness’, otshengisa ubuncitshi babesifazane kulumsebenzi ngayonale inyanga kaMbimbitho lapho kunanzwa amalungelo abesifazane emhlabeni wonke jikelele.
Umsekeli kamqondisi njalo engu Chief Curator eNational Gallery of Zimbabwe, umnumzana Raphael Chikukwa uthi babone kufanele ukuba benanze njalo besekele abesifazane ngokwenza umbukiso ogxhila emisebenzini yabo kuphela ngalinyanga kaMbimbitho kunanzwa ilanga labesifazane emhlabeni jikelele, ekhuthaza abesifazane kuleli ukuba bengene kulumbukiso ngobunengi babo.
Unkosikazi Joyce Risinamotsi osebenza esemaphandleni ako Chendambuya koRusape, uthi abesifazane bavele yibo abalolwazi bokuqhuba imisebenzi enje ngobunengi njalo befundisana ethi laye wafundiswa ngabanye abasemangweni adabuka khona kukho konke akwenzayo:
U Chikukwa uthi ulwazi olulabesifazane kweze Art luyamangalisa njalo bemele belusebenzise ngendlela ezibaphathisayo njalo kuthuthukiswe ilizwe:
Unkosikazi Risinamotsi uthi udubo olubhekana labesifazane kulumsebenzi weArt yimikhambo yokuthengisela izinto abazilungisayo ekhuthaza abasifazane ukuba bethathele phezulu amathuba afana lokubukisa ku gallery ngoba kuzaphathisa ukuba bazakale bengezelele amathuba abo okuthola indawo zokuthengisela:
U Chukukwa uthi iGallery isebenzelana labesifazane bakuleli kuphela kulumbukiso ngaphandle kuka nkosazana Chantel ovela kwele Switerland esebenza ngaphansi kwe gallery le okwamanje.
I-International Women’s Day lilanga elinanzwa minyaka yonke ngenyanga ka Mbimbitho emhlabeni jikelele, ngenjongo yokuthuthukisa ukulondolozwa kwamalungelo abesifazane, agoqela iholo eliphezulu, amalungelo okuvota lamanye njalo isihloko salonyaka sithi ‘Make it Happen’.