Umanyano weSadc uthi usukhipha amabutho awo kweleDRC lapho abencedisa khona uhulumende walelolizwe ukulwisana labahlamuki beqembu leM23.
Lokhu kwaziswe nguMongameli Emmerson Mnangagwa ongumgcinisihlalo weSadc namuhla ngemva komhlangano wabakhokheli bamazwe akulumanyano oqhutshelwe enkundleni zokuxhumana ngomabonakude uholwa nguye uMnangagwa.
Your browser doesn’t support HTML5
Amazwi kaMongameli Emmerson Mnangagwa
I-Sadc ithethe isinqumo lesi ngemva kokuxwayiswa ngabakhokheli bamabutho ayo kanye labeEast African Community.
Amazwe eSadc alamasotsha eDRC abalisa iSouth Africa, iMalawi leTanzania. Amasotsha amazwe la asefele kulimpi alitshumi lasitshiyagalolunye, 19.
Abahlamuki beM23 babikwa besekelwa ngeleRwanda. Kodwa uhulumende walelilizwe uyakulandula lokhu. Limpi isibulalise inkulungwane lenkulungwane zabantu makhaza.
EleAngola lithi uhulumende weDRC labahlamuki sebevumelene ukukhulumisana.
Ukuhlaziya loludaba sixoxe lengcwethi kwezombusazwe uMnu Effie Dlela Ncube yena othi ukukhulumisana kubalulekile ukuze kuqedwe limpi.
Your browser doesn’t support HTML5
Ingxoxo loMnu Effie Dlela Ncube