Amapholisa kamanisipala wakoBulawayo ngoLwesithathu aqhubekele phambili ngokugijimisa abaphila ngokuthengisa ezitaladeni ebathathela abakuthengisayo njalo ebakhahlameza kakubi.
Abahlaselwe kakhulu ngabathengisela kuFive Street loJason Moyo.
Umanisipala wenza lokhu lanxa ebethembisile ngaphambilini ukuthi uzadingela abantu laba indawo ezihlelwe ngokusemthethweni kuqala andubana ebasuse kulindawo.
Abathengisayo laba bathi bakhulumisane loMayor uMnu Martin Moyo ngoLwesibili langoLwesithathu wakhuza amapholisa akhe, kodwa akula lutho oseluguqukile.
Omunye wabathathelwe abakuthengisayo nguNkosikazi Sithabile Moyo yena osebenza lenhlanganiso yeNational Vendors Union of Zimbabwe.
UNkosikazi Moyo usole umanisipala ngokuhlasela abathengisayo esithi abantu abanengi baphila ngokuthengisa ezitaladeni ngoba imisebenza isilela elizweni.
Your browser doesn’t support HTML5
Ingxoxo loNkosikazi Sithabile Moyo
Asenelisanga ukukhulumisana loMayor ngoba ebengadobhi umakhalekhukhwini wakhe.