Idolobho lakoBulawayo liqhubekela phambili likhangelane lodubo lwamanzi.
Uhulumende esebenzela ndawonye lomanisipala wedolobho lakoBulawayo wenza imizamo yokuthi kuqale ukwakhiwa idamu leGlassblock Dam emfuleni uMzingwane.
Lokhu kuphume ngemva kokuba iqula lekhansili yakoBulawayo liqhube umhlangano lohulumende ngodubo lwamanzi koBulawayo.
Ukhansila kaWard 9 koBulawayo uMnu Donaldson Mabutho uthi udubo lolu seluleminyaka njalo kulendingeko yokuthi uhulumende aluqakathekise ukuze benelise ukuthola abangaphathisa ngemali zenhlelo zokuletha amanzi kulelidolobho.
Your browser doesn’t support HTML5
Ingxoxo loMnu Donaldson Mabutho.
Umasipala uvala amanzi okwamalanga amahlanu ngeviki esenzela ukuwalondoloza ngoba amadamu akhe esesitsha, kodwa ulethemba lokuthi izulu lingana amadamu engangenisa amanzi.
Kwezinye indawo eziqansileyo ezingatholi amanzi laloba engavulwa, uMnu Mabutho uthe balenhlelo zokuthwala amanzi ngamabhawuza kanye lokwemba imigodi yamanzi ukuze izakhamizi zithole amanzi.