BULAWAYO —
Umahluli wedale laphezulu koBulawayo umnumzana Justice Kamocha usegenqule isinqumo secele le Movement for Democratic Change elikhokhelwa ngumnumzana Morgan Tsvangirai sokuxotsha amakhansila ayo amathathu etheswa icala lokuvotela ilunga le Zanu PF mhla kukhethwa umeya we Victoria Falls nyakenye esithi abathathu laba lokhu bengamalunga eMDC-T kanti njalo basesengamakhansila asemthethweni ezigaba abakhethwa ukuzimela kulelodolobho.
Lesisinqumo sethulwe ngemva kokuba abaxotshwayo laba abathi umsekeli kameya unkosikazi Norris Nyathi, uRich Mguni kanye lo Robson Salimu bephanyeke icala emthethwandaba besithi basolela ukuthi ukuxotshwa kwabo ebandleni, khona okwakhokhelela ekuxotshweni kwabo ukumela uzulu owabakhethayo ekhansilini, akukho emthethweni njalo azisetshenziswanga zonke izindlela zebandla zokulungisa ingxabano ngaphakathi.
Kulandelwa bathathu laba baxotshwa umsebenzi ngumphathintambo wezamadolobho umnumzana Ignatius Chombo ngemva kokuthi ibandla le MDC-T limlobele lisithi abathathu laba abasamelanga lona kukhansili ngoba abalalelanga izinqumo zebandla kukhetho lukameya, lona olwanqotshwa ngumnumzana Sifiso Mpofu we Zanu PF.
Umnumzana Chombo, ibandla le MDC-T kanye lomansipala we Victoria Falls bebeqanjwe njengalabo okumele baphendule imibuzo yedale ngaloludaba.
Kusinqumo sakhe, umnumzana Kamocha uthe bonke abathathu laba basesengamalunga e MDC-T ngokusemthethweni njalo bangamakhansila e waqondisa ukuthi umansipala we Victoria Falls ababuyisele emsebenzini njalo ababhadale iholo lazo zonke inzuzo ezihambisana lezikhundla zabo.
Idale liqondise njalo ukuthi umnumzana Chombo, umansipala we Victoria Falls kanye lebandla le MDC-T bame ukukhupha omamangala ezikhundleni zabo, bangabaxotshi ebandleni njalo bengaphanjaniswa ukuba ngamalunga e khansili kanye lekuqhubeni imisebenzi yabo njengamakhansila.
Amacele omathathu atshelwe njalo ukuthi akumelanga kubanjwe ukhetho lokudinga abazathatha izikhundla zabathathu laba kuze kuze kuvunyelwane ukuthi zonke izindlela zokulungisa ingxabano ezikhona ebandleni le MDC-T zisetshenzisiwe zehluleka ukuqeda umbango.
Lesisinqumo sethulwe ngemva kokuba abaxotshwayo laba abathi umsekeli kameya unkosikazi Norris Nyathi, uRich Mguni kanye lo Robson Salimu bephanyeke icala emthethwandaba besithi basolela ukuthi ukuxotshwa kwabo ebandleni, khona okwakhokhelela ekuxotshweni kwabo ukumela uzulu owabakhethayo ekhansilini, akukho emthethweni njalo azisetshenziswanga zonke izindlela zebandla zokulungisa ingxabano ngaphakathi.
Kulandelwa bathathu laba baxotshwa umsebenzi ngumphathintambo wezamadolobho umnumzana Ignatius Chombo ngemva kokuthi ibandla le MDC-T limlobele lisithi abathathu laba abasamelanga lona kukhansili ngoba abalalelanga izinqumo zebandla kukhetho lukameya, lona olwanqotshwa ngumnumzana Sifiso Mpofu we Zanu PF.
Umnumzana Chombo, ibandla le MDC-T kanye lomansipala we Victoria Falls bebeqanjwe njengalabo okumele baphendule imibuzo yedale ngaloludaba.
Kusinqumo sakhe, umnumzana Kamocha uthe bonke abathathu laba basesengamalunga e MDC-T ngokusemthethweni njalo bangamakhansila e waqondisa ukuthi umansipala we Victoria Falls ababuyisele emsebenzini njalo ababhadale iholo lazo zonke inzuzo ezihambisana lezikhundla zabo.
Idale liqondise njalo ukuthi umnumzana Chombo, umansipala we Victoria Falls kanye lebandla le MDC-T bame ukukhupha omamangala ezikhundleni zabo, bangabaxotshi ebandleni njalo bengaphanjaniswa ukuba ngamalunga e khansili kanye lekuqhubeni imisebenzi yabo njengamakhansila.
Amacele omathathu atshelwe njalo ukuthi akumelanga kubanjwe ukhetho lokudinga abazathatha izikhundla zabathathu laba kuze kuze kuvunyelwane ukuthi zonke izindlela zokulungisa ingxabano ezikhona ebandleni le MDC-T zisetshenzisiwe zehluleka ukuqeda umbango.