Indawo yokulima ngokuthelezela eye Guyu Chelesa Irrigation Scheme engasebenziyo ngenxa yodubo lwamagetsi sitshiye izakhamizi ezinengi zibhekane lendlala.
Itanka yamanzi esiwome qha ...
Bekuthule kuthe cwaka ngesikhathi iStudio 7 ifika kuleyonfawo kungela ngitsho loyedwa umuntu emawofisini kumbe emasimini.
IGuyu Chelesa Irrigation Scheme isileminyaka phose emibili ingasebenzi ngenxa yokuthi abalimi behluleke ukubhadala isikwelede samagetsi esedlula amadoala azinkulungwane ezingamatshumi amane - $41 000..
“Isikwelede yi$41,000 … Sazovula okweCommand Agriculture sasesitshaywa ngamafloods injini zethu uTuli wabuya egcwele injini zangena amanzi. So, iZesa isitshaya ka two lokhu yikho okwenza ukuthi iZesa ibe phezulu okwenza abantu abanengi bengakukwanisi ukubhadala.
Izindlwana ezise Guru Irrigation Scheme.
Impompi zamanzi sezibolile okutsho ukuthi kuzafuneka ezinye lapho lesisisvande sokumele sisungulwe kakutsha.
Imuli ezedlula amakhulu ezeGuyu kanye leChelesa beziphila kulindawo kodwa zicine ukulima ngomnyaka ka2016 phansi kohlelo lweCommand Agriculture
Osakhulayo, uMnu, Edgar Ncube, uthi kuyadanisa ukuthi lindawo yokulima ngokuthelezela kayisebenzi.
Zimi mpo impompi okumele zisetshenziswe ...
“Kubuhlungu kithi ontanga lezakhamizi ezihlala ziqhaqhelane lendawo yonaleyi, ontanga bekulithuba lokuthi aluba iyasebenza ontanga bekulithuba lokuthi bathole imisebenzi bakwanise ukuzilimela lezakhamizi zithole inzunzu zisize imuli zisize izifuyo.Siyafisa ukuthi ngabe kulendlala engenziwe manje uhulumende wethu lo kasinanzelele kakwazi ukuthi silendawo ezinjenge Chelesa okumele nga ziyasebenza ziphathise uzulu.”
UMnu. Ngqabutho Ndlovu, oweManama, ngomunye walabo abalesifiso sokulima ngokuthelezela kodwa uthi uyehluleka ngoba lungekho usizo ulusuka kuhulumende lokuncedisa labo abalesifiso sokulima.
Impompi zamanzi sezibola eGuyu Chelesa Irrigation Scheme.
“Ukulima uthelezela khona yikho esengathi kubambe ilizwe ngokubana imisebenzi kayisatholakali ukuthi uzuiphilise sokumele uphande umhlabathi yikho lapho okulomnotho wethu khona.Ngoba ungalima ukhangele phezulu usithi izulu, izulu esikhathini esinengi kalini siba sendlaleni enkulu ngenxa yokukhangelelela izulu.Uhlupho esilalo yikuthi izandla zimfitshane asiyenelisi ukuthi sithole izinto zokuthi silime okupheleleyo.”
Ekhuluma ensukwini ezedlulileyo uMphathintambo obona ngezokulima, uMnu. Perrence Shiri, uthe uhulumende uzavuselela izivande zokulima ngokuthelezela elizweni lonke jikelele.
Ukungasebenzi kweGuyu Chelesa Irrigation Scheme lokhu kuza ngesikhathi uMongameli Emmerson Mnangagwa etshele umanyano weUnited Nations General Assembly ukuthi uhulumende wakhe uzathuthukisa ezomnotho ngokugxila kzwezokulima.
Your browser doesn’t support HTML5
Udaba Esilethulelwe NguAlbert Ncube