Inengi lithi umnotho welizwe ulokhu ubhidlika ngamandla ngesikhathi lilungiselela ilanga lekhisimusi, kanye lomnyaka omutsha oka2020.
Imali ilokhu isilela elizweni njalo inhlanganiso yeBankers’ Association of Zimbabwe ibikwa isithi abantu abanengi abasagcinisi imali yabo emabhanga lanxa beyithatha khona imihla ngamalanga, osokubangele ukuthi uhlupho lolu luqhubeke.
Lokhu kwenzakala lanxa uhulumende ebikwa esithi ufake imali eyizigidi ezingamatshumi amabili-20 million dollars emabhanga ngeviki edluleyo.
UMnu. Bhekilizwe Ndlovu, ingcwethi ecubungula ezombusazwe usichasisela ngesisusa sokuswelakala kwemali.
UMnu. Vumani Ndlovu, isiphathamandla senhlanganiso yeRural Communities Empowerment Trust uthi abantu abanengi bayalamba emaphandleni ngenxa yezizathu ezinengi.
Isiphathamandla senhlanganiso yeBulawayo Progressive Residents Association uNkosazana Marble Ngwenya uthi umumo osemaphandleni uyafana losemadolobheni.
UMnu. Ndlovu uthi kufanele uhulumende ayenze imizamo ehlukileyo eyokulungisa uhlupho lwezomnotho welizwe.
Kodwa embikweni awethule ngoLwesibili, umongameli Emmerson Mnangagwa uthi uyakwazi ukuthi inengi lilokhu lihlupheka njalo uhulumende ulenhlelo ezinengi aziqhubayo ezokulungisa umnotho welizwe.
Your browser doesn’t support HTML5
Lalela Loludaba Ngokugcweleyo