nhlanganiso Ezilwisa Ixenophobia KweleSouth Africa Zithi Indlela Esisetshenziswa Nguhulumende Womanyano Ukuzingela Abangelamaphepha Ilakho Ukuqubula Udlakela Lwexenophobia Elizweni
Inhlanganiso ezilwela amalungelo oluntu kweleSouth Africa sezethule isixwayiso zisithi sekungaqhamuka udlakela lwexenophobia kweleSouth Africa loba nini lubangelwa zindlela ezisetshenziswa nguhulumende womanyano ukuzingela lokubopha abangelamaphepha kweleSouth Africa.
Inhlanganiso ezilwela amalungelo omphakathi lezi zithi indlela uhulumende ozingela ngayo abokuza abangelamaphepha isivuse ukutshotshozela okukhulu enhlelweni zokuxhumana ku internet okuyinto engabangela ukuqhamuka kodlakela lwexenophobia.
Ebulenjini be internet kugcwele abokuza laba bebaleka, abanye becatshe ephahleni, abanye beqhunqa izililo bephoselwa emoteni zamapholisa sebefakwe izankosi.
Isizalwane sakweleSouth Africa unkosazana Cleopatra Buthelezi uthi kungani kulohlelo olufihliweyo lokwenqabela abokuza ukuphuma phandle.
“Abantu kahle kahle abasakwazi ukuphila freely. Abasakwazi ukuhamba freely. Akwenzeki lutho nje freely. Bavalelekile abanye abakwazi ukuya emsebenzini. Uma bengayi emsebenzini bayaxoshwa emaflatini behlale phandle on the street. Abanye bahleli phandle on the street with abantwana.”
Isizalwane seZimbabwe njalo engumqondisi enhlanganisweni ye Women in Diaspora Association unkosazana Vuyani Hlazo uthi izenzo zikahulumende lezi seziphehle inzondo engadala umonakalo omkhulu.
“Indlela okwenzeka ngayo kungathi into yakhona isile nzondo eyacina isenza kungabi yikuthi kuqondiswa abantu ukuthi babelamaphepha or kwenzelwa ukuthi abantu basebenze ezindaweni be legal of which it’s ok, but inkinga esinayo yikuthi kwenza abantu imajority abayibo amavotayo la ekhaya basizonde or bazonde ama foreign nationals.”
Leyinto egcizelelwa ngesinye isizalwane seZimbabwe umnumnzana Inchase Asiti.
“I department yeimmgration kumele ibe le provision yokuthi uma umuntu engaphakathi kwelizwe ahambe kuHome Affairs aye extender amalanga ayenze noma yini ukuthi sibe ngabantu abaregistiwe kulelilizwe.”
Unkosikazi Sharon Ekambaram owenhlanganiso yeLawyers for Human Rights, amagqwetha ezamalungelo abuye njalo asebenze leye Kopanang Africa Against Xenophobia, elwisa umkhuba wexenophobia, uthi inhlelo zikahulumende lezi sezenze kwabonakala sengathi bonke abantu bokuza yizigangi.
Olwela amalungelo wakweleSouth Africa umnumnzana Siphiwe Mbatha uthi usizi yikuthi sekusenziwa engathi abokuza akulanto enhle abayenzayo.
“For example uma ubheka kumalokishi wethu kunamashop wamaSomalia, Ethiopia abaphuma phandle kweSouth Africa. For example, angisagibeli ukuya edolobheni. Angisagibeli ukuya emall ukuyothenga kubo Pick n Pay kubo Shoprite. Sengithenga kubo laba omalalaphansi. Langaphakathi kweviki noma phakathi kwenyanga ma ngingena mali bayangikolodisa but angikwazi ukuyokoloda kubo Pick n Pay.”
Kodwake umsekeli kamphathintambo wogatsha lwendaba zasekhaya umnumnzana Njabulo Nzuza utshele iphalamende ukuthi abanxwanelanga abantu bokuza kodwa balwisa ukwephulwa komthetho wokungena elizweni.
“Asihlosanga ukuvimba ukungena kwabantu elizweni ngoba vele abantu bazahlala bengena bephuma. Esikwenzayo yikwenqabela ukungena kwabantu elizweni ngokungekho emthethweni.”
Kodwake inhlanganiso zamalungelo woluntu zithi uhlupho lolu luzaqedwa kuphela yikupha abokuza laba amaphepha okuba selizweni ngokusemthethweni.