Kulandela isinqumo sedale lephalamende esikubeke sobala ukuba uMnu. Sengezo Tshabangu ulelungelo luluvimba amalunga eCCC awaxotshisa edale lephalamende ukuba engangeni kukhetho lwama by-elections, kulabanye abathi uMnu. Chamisa nguye owadala ukuxokozela kubandla leli.
Bathi kwakumele ibandla leCCC libe lesisekeli sombuso hatshi okwenziwa nguChamisa osebenza phose yedwa.
Abasekela uChamisa bathi wenza lokhu ngoba wayethwaliswe amagabha avuzayo nguhulumende kaMongameli Emmerson Mnangagwa ongafuni ukuphikiswa.
UMnu. Fortune Mlalazi okubandla leCCC uthi kufukela ubukhokheli obukhaliphileyo eZimbabwe ngoba kuyasinda okwenzakala kubandla leli.
UMnu. Rejoice Ngwenya, ingcwethi kwezombusazwe okunhlanganiso yeCommon Market for Liberal Solutions, uthi kunengi okuhlupha uzulu kumabandla ezombusazwe.
UChamisa wanqotshwa nguMnangagwa kukhetho olwenziwa ngoNcwabakazi lonyaka. Ukhetho lolu lwachothozwa ngabakunhlanganiso yeSouthern African Development Community, African Union kanye le-European Union abathi kaluqhutshwanga ngemfanelo ukhetho lolu.
SEE ALSO:
Ingxoxo Esiyenze LoMnu. Fortune Mlalazi LoMnu. Rejoice Ngwenya