Ukubhidlika komnotho lokusilela komsebenzi okuya kulokhe kuqhela elizweni kubikwa sokubangela ukuthi inengi labantu beZimbabwe behlale bedinga indlela ezingabaphilisa nsuku zonke nanku lemisebenzi ingatholakali amankampani amanengi egumula izisebenzi ngobunengi.
Umnumzana Eliot Banda ngosakhulayo othi usuka endlini ukuzomemezela ekhankasela okuthengiswayo ebhadalwa ngelanga.Uthi kwezinye insuku ungena edolobheni engelathemba lokuba uzathola indawo yokusebenzela ngoba eguqula abantu abasebenzelayo.
Unkosikazi Florence Khumalo ubumba izinto ezifana lezinyamazana kunye lenyoni ezitshiyeneyo njengendlela yokuziphilisa kodwa uthi ubhekana lodubo lokusilela kwabathenga ngokuqinileyo.
Umnumzana Blessed Simba oyi artist uthi ukusebenzisa izandla umuntu ezenzela ngenye yendlela ezingathuthukisa abantu.Uthi yena uphila kanje njalo esenelisa ukufundisa labafuna ukungela ku art ikakhulu esebenzelana lesikolo se Art eMbare ethi okumjabulisayo yikuthi sokulabasakhulayo abatshengise ukuthuthuka kulimisebenzi noma umumo unzima kanje:
Umnumzana Thuthani Moyo okhankasela ukuthuthukiswa kwabatsha befundiswa ukuziqakathekisa bona uthi sebhale izinkondlo ezilemifanekiso ezibhekane labasakhulayo kodwa uhlangana lodubo lokuba abantu bathi abenelisi ukuthenga ibhuku lakhe ngenthengo ayifunayo ethi khathesi selungisisa izifundo ezingasebenza emitshineni yama computer ziphathisa abantwana ukuba befunde kancono ngendlela ezwisisekayo.
Umnumzana Obert Dube uvukela ukulungisa amatafula okudlalea umdlalo we snooker edolobheni. Uthi lokhe wagunyulwayo ngesikhathi se ESAP uphila kanje kodwa okwamanje akuhambi kakuhle.
Uqhubeke ethi bavame ukuthengisela abantu abala ma bhawa ama Night Club amahotela lezinye indawo zokuzilibazisa kodwa ibhizimusi ngalezi nsuku uthi liphansi kakhulu.
Inengi labantu esikhulume labo lithi likhangelela isikhathi lapho okungalungisiseka khona umumo womnotho kusungulwe lemisebenzi khona bezakwnelisa ukunakekela imhuli zabo.