Inhlanganiso yeWomen Development Association in Zimbabwe ithi indlala kanye lokudula kwezinto sokwenze impilo yabesifazana abahlala emaphandleni yaba nzima ngamandla.
Linhlanganiso ithi omama abanengi sebehamba imango emide besiyatheza inkuni lokuyakukha amanzi, wona asethengiswa ngabalezinqola izigabeni ezifana leGwanda.
Lokhu kuphuma ngesikhathi senyanga yokuthakazelela imisebenzi enziwa ngabesifazana emhlabeni jikelele eyeWomen’s History Month, okuqale mhlaka 1 kulinyanga kusiyaphela mhlaka 31.
EleZimbabwe liphakathi kwendlala emangalisayo, njalo abantu abayizigidi phose ezintathu, 2.7 million kusiya kwezintathu ezilengxenye, 3.5 milion, ikakhulu emaphandleni badinga usizo lokudla okuphuthumayo.
Isiphathamandla seWomen Development Association in Zimbabwe uNkosikazi Juliet Nkiwane utshele iStudio 7 ukuthi abesifazana abanengi badinga usizo kuhulumende lakunhlanganiso ezizimeleyo ngoba abenelisi ukuziphilisa lemindeni yabo.
Your browser doesn’t support HTML5
Ingxoxo loNkosikazi Juliet Nkiwane