WASHINGTON DC —
Ukufuthelana sokufike kuzinga elibi phakathi kwamaxuku alwela intambo zombuso kubandla leZanu PF kulandela ukuthukwa kukamphathintambo obona ngokwethulwa kwemibiko uMnu Jonathan Moyo nguMongameli Mugabe ngempelaviki.
Ekhuluma emfeni kaMnu Nathan Shamuyarira ngoLwesihlanu, uMugabe usole uMoyo esithi ubangela ukungezwani kuZanu PF waphinda wamthuka esithi unguSatane uqobo lakhe.
NgoMgqibelo ekhuluma eHeroes Acre, uMugabe uchaze uMoyo njengempehlane emele ixotshwe kubandla leZanu PF ngoba idiliza ibandla.
UMnu Moyo ubikwa ekuxuku elikhokhelwa nguMnu Emmerson Mnangagwa, lona elilwisana lelikhokhelwa nguNkosikazi Joyce Mujuru.
UMnu Didymus Mtasa, yena okucele elikhokhelwa nguMujuru uchaze uMnu Moyo, uMnangagwa labanye abakulelicele njengempehlane ezimele zibulawe ngokuthelwa igamathokisi.
Imbiko esiyamukeleyo ngalintambaba ibisithi uMoyo ubehlangana loMugabe phezu kodaba lolu.
Ingcwethi kwezombusazwe uMnu Mlamuli Nkomo usole amazwi okufananisa uMoyo loSatane kanye lempehlane esithi la ngamazwi alenzondo enkulu angamelanga asetshenziswe.
Imbono kaNkomo igcizelelwe ngenye njalo ingcwethi kwezombusazwe uMnu Bhekilizwe Ndlovu.
Inengi liyazibuza ukuthi kambe uMugabe ulakho ukuxotsha uMoyo yini kuhulumende njengalokhu ake akwenza eminyakeni edluleyo.
Abanye bayazibuza ukuthi ngokusola uMoyo, uMugabe engaba seveze sobala ukuthi usekela ixuku likaMujuru na.
Akukho sobala lokhu, kodwa okusobala yikuthi elakusasa likaMoyo kuZanu PF liluvilibana, kutsho ingcwethi kwezombusazwe uMnu Dumisani Nkomo.
Ekhuluma emfeni kaMnu Nathan Shamuyarira ngoLwesihlanu, uMugabe usole uMoyo esithi ubangela ukungezwani kuZanu PF waphinda wamthuka esithi unguSatane uqobo lakhe.
NgoMgqibelo ekhuluma eHeroes Acre, uMugabe uchaze uMoyo njengempehlane emele ixotshwe kubandla leZanu PF ngoba idiliza ibandla.
UMnu Moyo ubikwa ekuxuku elikhokhelwa nguMnu Emmerson Mnangagwa, lona elilwisana lelikhokhelwa nguNkosikazi Joyce Mujuru.
UMnu Didymus Mtasa, yena okucele elikhokhelwa nguMujuru uchaze uMnu Moyo, uMnangagwa labanye abakulelicele njengempehlane ezimele zibulawe ngokuthelwa igamathokisi.
Imbiko esiyamukeleyo ngalintambaba ibisithi uMoyo ubehlangana loMugabe phezu kodaba lolu.
Ingcwethi kwezombusazwe uMnu Mlamuli Nkomo usole amazwi okufananisa uMoyo loSatane kanye lempehlane esithi la ngamazwi alenzondo enkulu angamelanga asetshenziswe.
Imbono kaNkomo igcizelelwe ngenye njalo ingcwethi kwezombusazwe uMnu Bhekilizwe Ndlovu.
Inengi liyazibuza ukuthi kambe uMugabe ulakho ukuxotsha uMoyo yini kuhulumende njengalokhu ake akwenza eminyakeni edluleyo.
Abanye bayazibuza ukuthi ngokusola uMoyo, uMugabe engaba seveze sobala ukuthi usekela ixuku likaMujuru na.
Akukho sobala lokhu, kodwa okusobala yikuthi elakusasa likaMoyo kuZanu PF liluvilibana, kutsho ingcwethi kwezombusazwe uMnu Dumisani Nkomo.