Amabele amanengi ahlanyelwe ekupheleni kwanyakenye lekuqaliseni kwalonyaka ngesikhathi sezulu asetshile ngenxa yokuswelakala kwezulu eMatabeleland, eMasvingo kanye lezinye indawo zeNkabazwe.
Abamele inhlanganiso ezitshiyeneyo ezikhangelane lendlala, iziphathamandla zikahulumende kanye lengcwethi zokulima zithi uzulu kasoze avune lutho kulezindawo njengoba izulu latshaya phansi okuzwayo kodwa kalisananga okwaneleyo umumbu lezinye izilimo sezitshakaza.
Bathi isimo samasimu endaweni lezi sizwisa usizi njengoba abantu abanengi bengachinsanga lonyaka.
Omunye walabo abakhangela ezendlala ekunhlanganiso ezimeleyo uNkosikazi Faith Ncube uthi sokumele uzulu adingelwe ukudla ngoba umangoye selala eziko emizini eminengi.
Omele iGwanda North edale lephalamende uMnu. Thandeko Zinti Mnkandla uthi indlala yalonyaka iyesabeka.
