Uhulumende ukhuthazwa ukuthatha amanyathelo azwayo alakho ukuqeda udubo lokusilela kwemali elizweni, osokuhlukumeze uzulu ngoba eqeda isikhathi eside efolela imali emabhanga.
Uzulu we Zimbabwe uqubekela phambili ebhekana lenkinga yokusilela kwemali emabhanga inengi lamabhanga enikeza isilinganiso esincane semali emuntwini ngamunye ngelanga.
Isiphathamandla sebandla eliphikisayo le MDC T esimela iGweru Central, umnumzana Zwizwai uthi uhulumende sokumele athathe amanye amanyathelo okulungisisa udubo lokusilela kwemali emabhanga kulokuyenga abantu ngokuthi uzadinda ama Bond Notes azaqeda loludaba:
Ethi kuqakathekile ukuhlolisisa imisebenzi eletha inzuzo elizweni kuqala njalo kulemithetho emihle engasekela abafuna ukuvula amabhizimusi eZimbabwe kuphinde kuvuselelwe lawo alobunzima ngoba esiya elokhe esanda avalwayo:
UNgwenya yena uthi kukhanya konke lokhu kungakakhanyi kuhulumende ngoba elokhe elahleka kundlela azama ngayo ukuvuselela umnotho welizwe:
Umphathintambo obona ngembuso yezabelo umnumzana Saviour Kasukuwere utshele abantu abasebenza ngokuzenzela emzini weGlen View, eHarare, ukuba uhulumende sezathathela bonke abalama industries angasebenziyo okwamanje ewanikeze kwabasakhulayo abalolwazi olufana lokulungisa izitulo, imbeda, amasofa leyinye imphahla efana lelungiswa eGlen View ukuba bewasebenzise lawo ma bhizimusi.
Incitshi zezenotho zithi ukwenza okunje yikho okubanga ngamandla udubo lokubhidlika komnotho welizwe njalo kuzenza ukuba kuthathe isikhathi eside ukuwuvuselela.
Your browser doesn’t support HTML5
Udaba lokusilela kwemali emabhanga siluphiwa nguMark Nthambe