Inkampani yamandla kagetsi eye ZESA ithi kungenzakala ukuthi amagetsi acitshwe okwesikhathi eside elizweni okwedlula lokhu okutshengiswe kuluhlu olwethulwe izolo yilinkampani, lutshengisa ukuthi amagetsi azacitshwa ikakhulu kusukela ekuseni kusiya ebusuku, abesevulwa phakathi kobusuku kusiya emadabukabusa inengi labantu lisalele.
Lokhu kwenzakala uhulumende esithi abantu abaseyikuvunyelwa ukusebenzisa umtshina wokukhudumeza amanzi engakaphumi empompini owe gyser, ngendlela yokulondoloza amagetsi.
UMnu. Joel Gabhuza, omela iBinga South edale lephalamende njalo ekukhomithi yalelidale ebona ngokusetshenziswa kwamagetsi eye Mines and Energy Committee ushele umsakazo weStudio Seven ukuthi udubo olukhulu olubhekane lelizwe ngelokuswelakala kwengcitshi ezazi ukuhlela inhlelo zokuthi ilizwe lithole amandla kagetsi eneleyo. UGabhuza uthi amadamu lokunye okutshona kubaliswa nguhulumende ukuthi yikho okubangela ukusilela kukagetsi kungasi qiniso.
Your browser doesn’t support HTML5
Udaba lokusilela kukagetsi olweZesa