Uhulumende weZimbabwe useqinisa imizamo yokukhankhasela ukusetshenziswa kwamandla elanga awesolar ekugudumezeni amanzi kuma giza ngesikhathi udubo lokusilela kwamandla kagetsi luqhubeka lusiba lubi elizweni.
Uzulu yena kodwa uthi uhlelo lolu lufuna usekelo lwesikhwama semali ezaphathisa kulo ngoba abantu bevele bebhekana lobunzima obukhulu bokuswela imali.
Ugatsha lwezamandla kagetsi eZimbabwe lukhankasela ukusetshenjiswa kwamandla awelanga awe solar ekugudumezeni amanzi akumagiza ezindlini njengendlela yokwehlisa inani lika getsi osetshenjiswayo okungehlisa njalo ukumotshakala kwamagetsi ngesikhathi engatholakali.
Umnumzana Munyaradzi Nkomo uthi lokhu kwenzakala abantu abanengi bevele besebenzisa ama giza kagetsi ezindlini zabo okuzakutsho ukulahlekelwa okukhulu ngalinguquko. Uthi singakhangelisisa abantu abanengi abala misebenzi okutsho ukuthi abalayo lemali yokubhadalela abantwana imali yesikolo lokunye okudingakalayo empilweni.
Umnumzana John Dube uthi konke lokhu kuveza ukwehluleka kukahulumende ukuba eqoqeke kundlela asebenza ngayo. Uthi bakwenza ngoba bengaselayo indlela yokulungisisa udubo lokusilela kukagetsi ethi udaba lokusilela kwamanzi eKariba aluzwisiseki ngoba lunfula uvela eDRC endaweni ehlala isina izulu zikhathi zonke kumagusu awe eikhwetha.
Umnumzana Masimba Kuchera ocubungula ezombusazwe uthi le yinto ezadalela abanengi inhlupho zemali kodwa ethi noma kunjalo iyinto edingakalayo kakhulu.
Uhulumende ukhuthaza ukusetshenjiswa kwama giza awe solar kumisebenzi yonke yokwakha izindlu ezintsha kusukela khathesi njalo esebamba imihlangano yokukhuthaza lokhu bethi labala magiza akudala asebenzisa u getsi bazamele bewaguqule kwelakusasa.
Bathi leli nyathelo lizakwenza uhulumende ehlise inani lamagetsi asetshenjiswayo elizweni ngesikhathi esilela kakhulu kubangelewa yikwehla kwenani lamanzi kumfula uZambezi lokungasebenzi ngokugcweleyo kwezititshi zikagetsi.
Your browser doesn’t support HTML5
Udaba lokusilela kwamandla kagetsi eZimbabwe