Uzulu uhlaba omkhulu umkhosi ngokukhwela kwentengo yempahla ezitolo kulandela ukwethulwa komthetho weStatutory Instrument 127 nguMonganeli Emmerson Mnangagwa.
Umthetho lo ujezisa osomabhizimusi abala ukwamukela idola leZimbabwe njalo ubaphoqa ukuthi bahlele intengo belandela isilinganiso sokuthengiswa kwemali emkambo obekwe nguhulumende.
Inhlanganiso yabosomabhizimusi iConfederation of Zimbabwe Retailers iyawusola kakhulu lumthetho isithi ukhanya uhlose ukufakela izitolo intengo, ama-price controls ngesingisi.
Isiphathamandla senhlanganiso emela abathengi iNational Consumer Rights Association uMnu Effie Dlela Ncube utshele iStudio 7 ukuthi ukukhwela kwentengo lokhu sokufake abantu ebunzimeni obukhulu.
Your browser doesn’t support HTML5
Ingxoxo loMnu Effie Dlela Ncube