Umphathintambo wezamandla, uMnu. Samuel Undenge uselobele uhulumende ecela imvumo yokuthi intengo yamandla kagetsi ikhuphuke ngesilinganiso esingamatshumi amathathu ekhulwini-30%.
Lokhu sekutshiye osomabhizimusi sebesesabela ukuthi amankampani abo azavalwa kumbe angasebenzi ngesilinganiso sokupheleleyo.
Sikhuluma nje amankampani amanengi, ikakhulu awezokwemba asewavalwa kumbe asebenza ngengxenye ngenxa yokusilela kwamandla kagetsi.
Omunye ongafunanga ukubethwa ngegama osebenze eZesa utshele iphephandaba le The Herald ukuthi inkampani le ibone kulungile ukuthi ikhweze imbadalo yamandla kagetsi ngoba intengo yawo nxa bewagaya layo isikhuphukile.
“Ye kuzakuba lukhuni kodwa kumele imbadalo ikhuphuke ngoba singekela ukwenza njalo singacina singasela ngitsho lembijana yamandla la,” kutsho lumuntu.
Ingcwethi ecubungula ezombusazwe, uMnu. Ambrose Sibindi, oyisiphathamandla senhlanganiso ye Bulawayo Progressive Residents’ Association utshele uChris Gande weStudio Seven ukuthi uzulu kasoze avumele inkampani ye ZESA isengeza imbadalo yamandla kagetsi.
“Ungananzelela iZESA isenza iloadshedding yonke indawo efana le CBD, ama industry ecine ehluleka ukusebenza amahola athile. Phezu kwakhonoko besesinanzelela ukuthi ezomnotho kazimanga kuhle,” kutsho uSibindi.
Your browser doesn’t support HTML5
Inghxoxo loMnu. Ambrose Sibindi