Ukukhalala umsebenzi kwezisebenzi zekhansili yeChitungwiza sokuphazamisa umsebenzi kulelo dolobho elilabantu abedlula isigidi. Izakhamizi zona zisithi ziyasekela ngokugcweleyo inyathelo lalezi zisebenzi esezilenyanga ezilitshumi lantathu zingaholi.
Izisebenzi zalikhansili eziqale ukukhalala umsebenzi ngeviki esanda kwedlula zibuthana emahofisini ali khansili nsunku zonke zifuna ukuzwisisa ukuba zizathola nini iholo lazo ngasikhathi sinye kungela msebenzi eziwenzayo kuleli dolobho.
Isiphathamandla senhlanganiso yezakhamizi ze Chitungwiza umnumzana Admire Zaya uthi abantu kabasazwisisi ukuthi kwenzakalani ngokukhalalwa komsebenzi lokhu.
Uthi noma inkinga ezinje ziphazamisa inhlalakahle yabantu izakhamizi eziyizo ezibhadalela limisebenzi njalo zingazwisisi ukuthi izimali zazo zisetshenjiswa njani zona izisebenzi zingabhadalwa okwesikhathi eside kangaka kunye lenhlanganiso yakhe ye Chitungwiza Residents Association zilozwelo kulezi zisebenzi njalo zisekela inyathelo lazo:
Umnumzana Mathias Guchutu osenhlanganisweni zokulwela ilungelo lezisebenzi uthi inkinga yokungabhadalwa kwezisebenzi iholo okwesikhathi eside ngama kansili usubhahile eZimbabwe ngakhoke uhulumende kumele angenele ukuze lumkhuba ungabi yinhlalayenza:
Izisebenzi ze khansili ye Chitungwiza zithi zinikezwa I mali enga nge khulu lama dollar $100 lapha lalaphaya ngemva kokubhalela izincwadi zicela lolosizo lunikezwa njengezikwelede okokuthi I khansili isimotsha isikhathi eside ilungisisa izicelo zazo kulozilungisela iholo.I kansili yona ithi inikeza lezi zisebenzi inxenye yeholo labo ngenyanga okugoqela labalezikhundla eziphezulu.