WASHINGTON DC —
Ibandla leMDC-T lithi lizaloba olunye njalo ugwalo lucela idale lephalamende ukuthi lixotshe amalunga alelidale aqhube umhlangano wokuxotsha inkokheli ebalisa uMnu. Morgan Tsvangirai umsekeli wakhe, uNkosazana Thokozane Khuphe labanye abetheswa icala lokwephula isisekelo sombuso webandla.
Lelibandla liphakathi kokudonselana amandla kulandela incwadi eyalotshwa ngumsekeli kamgciningcebo, uMnu. Elton Mangoma owathi uTsvangirai, osekhokhele leibandla okweminyaka elitshumi lanhlanu, kasuke esihlalweni ngoba esehluleke ukukhokhela okungenza lelibandla lingqotshwe kokuphela kukhetho.
Isikhulumeli sebandla leMDC-T, uMnu. Douglas Mwonzora uthi isinqumo sikamlawuli wedale lephalamende, uMnu. Jacob Mudenda ngoLwwesine sikhomba ukuba lelibandla lilelungelo lokuloba incwadi exotsha abahlamukele uTsvangirai.
Kodwa isikhulumeli salabo abathi uTsvangirai kasuke, uMnu. Jacob Mapfume uthi uMwonzora wehluleke ukubala kahle lesi singqumo ngoba siveza mhlophe ukuba idale lephalamende kalilamandla okuxazulula loludaba kodwa umthethwandaba.
UChris Gande weStudio Seven uxoxe lomskeli wesikhulumeli seMDC-T, uMnu. Joel Gabhuza othi bakhona abanye abahllamukela inkokheli yebandla abathi sebefuna ukuxolisa. UGabhuza uthi njalo lelibandla lizahlala phansi lihlaziye loludaba kunsukwana ezilandelayo.
Njengoba iStudio Seven ingasekeli hlangothi, uChris uphinde waxoxa njalo lomunye wabakuhlangothi lweMDC-T abazithi yi Renewal Team, uMnu. Bekithemba Nyathi, ongomunye othiwa ufuna ukuxolisa ukuze aphenduke etendeni leMDC-T olandula lokhu.
Lelibandla liphakathi kokudonselana amandla kulandela incwadi eyalotshwa ngumsekeli kamgciningcebo, uMnu. Elton Mangoma owathi uTsvangirai, osekhokhele leibandla okweminyaka elitshumi lanhlanu, kasuke esihlalweni ngoba esehluleke ukukhokhela okungenza lelibandla lingqotshwe kokuphela kukhetho.
Isikhulumeli sebandla leMDC-T, uMnu. Douglas Mwonzora uthi isinqumo sikamlawuli wedale lephalamende, uMnu. Jacob Mudenda ngoLwwesine sikhomba ukuba lelibandla lilelungelo lokuloba incwadi exotsha abahlamukele uTsvangirai.
Kodwa isikhulumeli salabo abathi uTsvangirai kasuke, uMnu. Jacob Mapfume uthi uMwonzora wehluleke ukubala kahle lesi singqumo ngoba siveza mhlophe ukuba idale lephalamende kalilamandla okuxazulula loludaba kodwa umthethwandaba.
UChris Gande weStudio Seven uxoxe lomskeli wesikhulumeli seMDC-T, uMnu. Joel Gabhuza othi bakhona abanye abahllamukela inkokheli yebandla abathi sebefuna ukuxolisa. UGabhuza uthi njalo lelibandla lizahlala phansi lihlaziye loludaba kunsukwana ezilandelayo.
Your browser doesn’t support HTML5
Ingxoxo loMnu. Joel Gabhuza
Njengoba iStudio Seven ingasekeli hlangothi, uChris uphinde waxoxa njalo lomunye wabakuhlangothi lweMDC-T abazithi yi Renewal Team, uMnu. Bekithemba Nyathi, ongomunye othiwa ufuna ukuxolisa ukuze aphenduke etendeni leMDC-T olandula lokhu.
Your browser doesn’t support HTML5
Ingxoxo loMnu. Bhekithemba Nyathi