Kuqhubekela phambili ukudonselana ebandleni leZanu PF ngesikhathi kusenziwa umhlangano omkhulu wabesifazane oweWomen’s League Conference eHarare.
UNkosazana Oppah Muchinguri osetshiya isikhundla sokukokhela uhlangothi lolu ubikwa etshaye islogan sokusola abatshisa omkabo.
Ukhanya ubeqondise amagama la kumsekeli kamongameli welizwe uNkosikazi Joice Mujuru olomkakhe uGeneral Solomon Mujuru owatshela endlini yakhe. UNkosikazi Mujuru laye ubikwa ezondile waphindisela ngokuthi kulabanye abakuZanu PF abangabathengisi. UGeneral Mujuru wabhubha mhlaka 15 ngoncwabakazi ngomyaka ka2011. Akulamuntu osowabotshwayo kulandela ukubhubha kwakhe epulazini lakhe leBeatrice esabelweni seMashonaland East.
Abakubandla leZanu PF bathi zindala zombili kodwa kukhetho lohlangothi lwabesifazane kuzaphuma sobala ukuthi ozibambe esidukwini ngubani.
UNkosikazi Mujuru lomphathintambo wezemithetho uMnu. Emerson Mnangagwa babikwa bekhokhela abantu abadonselanayo bebanga ukuthatha isikhundla sikaMongameli Robert Mugabe nxa esesukile.
UGibbs Dube weStudio 7 uxoxe loMnu. George Mkhwanazi ingcwethi yezombusazwe ezimele yodwa.
Your browser doesn’t support HTML5
Udaba lomhlangano wohlangothi lwabesifazana ebandleni leZanu PF