Isiphathamandla sohlangothi lwezibotshwa sikhalaze ukuthi ngabe amajele wonke elizweni ayaphiwa impahla zokulimisa ukwenzela ukuthi izibotshwa zizilimele ukudla.
WASHINGTON —
Uhulumende uthi izibotshwa emajele elizweni lonke zilakho ukuqhubeka ziswela ukudla, impahla zokugqoka, amanzi, lemota zokuhambisa ngoba kutholakale imali efika izigidi ezimbili lengxenye yaso-two million dollars, kuphela, endaweni yezigidi ezingamatshumi amabili lanye-twenty –one million dollars kubudget esanda ukwethulwa ukuqhuba lumsebenzi.
Lokhu kuvezwe yisiphathamandla sogatsha lukahulumende olubona ngezemithetho olwe Justice and Parliamentary Affairs uNkosikazi Mabhiza ekhuluma lekhomithi yogatsha lwakhe edale lephalamende lamuhla.
UNkosikazi Mabhiza ukhalaze ukuthi ngabe amajele wonke elizweni-angamatshumi amane lesithupha-46- ayaphiwa impahla zokulimisa ukwenzela ukuthi izibotshwa, zona ezizinkulungwane ezingamatshumi ayisitshyangalombili-18 000 zizilimele ukudla.
Imbiko yokuthi ezinye izibotshwa emajele sezabulawa yindlala wethusa inengi labantu emhlabeni jikelele ngomnyaka odluleyo.
Kusenjalo, isiphathamandla sogatsha lukahulumende olubona ngokwethulwa kwembiko olwe Media, Information and Broadcasting Services uMnu. George Charamba utshele idale lephalamende lamuhla ukuthi ugatsha lweBroadcasting Authority of Zimbabwe-BAZ okufanele linike imvumo yokusakaza alulamali eyeneleyo yokuqhuba lumsebenzi.
Wengezelele wathi lanxa uhulumende ezama ukuhlawula inengi lezisebenzi iholo lazo, abanye, ikakhulu abomsakazo weZBC bazalahlekelwa ngumsebenzi ngoba ugatsha lwakhe lungatholanga imali eyeneleyo kubudget le.
UMnu. Brian Tshuma olilunga lekhomithi yedale lephalamende ebona ngokwethulwa kwembiko eye Media, Information and Broadcasting Services, utshele uSithandekile Mhlanga weStudio 7 ukuthi uMnu. Charamba uthe ezinye izisebenzi e-ZBC beziqhatshwe ngokungekho emthethweni.
Lokhu kuvezwe yisiphathamandla sogatsha lukahulumende olubona ngezemithetho olwe Justice and Parliamentary Affairs uNkosikazi Mabhiza ekhuluma lekhomithi yogatsha lwakhe edale lephalamende lamuhla.
UNkosikazi Mabhiza ukhalaze ukuthi ngabe amajele wonke elizweni-angamatshumi amane lesithupha-46- ayaphiwa impahla zokulimisa ukwenzela ukuthi izibotshwa, zona ezizinkulungwane ezingamatshumi ayisitshyangalombili-18 000 zizilimele ukudla.
Imbiko yokuthi ezinye izibotshwa emajele sezabulawa yindlala wethusa inengi labantu emhlabeni jikelele ngomnyaka odluleyo.
Kusenjalo, isiphathamandla sogatsha lukahulumende olubona ngokwethulwa kwembiko olwe Media, Information and Broadcasting Services uMnu. George Charamba utshele idale lephalamende lamuhla ukuthi ugatsha lweBroadcasting Authority of Zimbabwe-BAZ okufanele linike imvumo yokusakaza alulamali eyeneleyo yokuqhuba lumsebenzi.
Wengezelele wathi lanxa uhulumende ezama ukuhlawula inengi lezisebenzi iholo lazo, abanye, ikakhulu abomsakazo weZBC bazalahlekelwa ngumsebenzi ngoba ugatsha lwakhe lungatholanga imali eyeneleyo kubudget le.
UMnu. Brian Tshuma olilunga lekhomithi yedale lephalamende ebona ngokwethulwa kwembiko eye Media, Information and Broadcasting Services, utshele uSithandekile Mhlanga weStudio 7 ukuthi uMnu. Charamba uthe ezinye izisebenzi e-ZBC beziqhatshwe ngokungekho emthethweni.
Your browser doesn’t support HTML5
Ingxoxo LoMnu. Brian Tshuma