USomlomo wedale lephalamende, uMnu. Jacob Mudenda, uthi wonke amalunga eCCC akhethwe nguMnu. Jameson Timba ukuba ngamalunga amakhomithi atshiyeneyo kumele betshiye izikhundla zonke ngoba akukho emthethweni okwenziwe nguTimba, odlelana lowayengumkhokheli webandla leli uMnu. Nelson Chamisa.
UMudenda wethule isinqumo lesi namuhla kulandela okwenziwe nguTimba okhethe amalunga eCCC ambalwa ukuba akhokhele amakhomithi edale lephalamende.
UTimba ukhokhela icele leCCC elisekela uChamisa kuthi elinye lamacele likhokhelwa nguSikhwicamfundo Welshman Ncube, odlelana loMnu. Sengezo Tshabangu, ozithi ngunobhala jikelele wecele elaxotshisa amalunga edale lephalamende amanengi aweCCC kanye lamakhansila.
Ababili laba kucatshangelwa ukuba badlelana lebandla leZanu PF. Bayakuphika lokhu.
Kasenelisanga ukuxhumana loTshabangu kanye loTimba ngodaba lolu ngoba bebengaphenduli omakhalekhukhwini.