Ele Zimbabwe lisungule iziqondiso zokusetshenjiswa kolwazi lokusabalalisa igama lalo enkundleni zokuxhumana ebulenjini ngenjongo yokuthuthukisa umnotho walo. Uhulumende ukhuthaza ingatsha zakhe zonke ukuba ziqakathekise ukusetshenziswa kwamacomputer emisebenzini elakho ukuphathisa ukuthuthukiswa kwezomnotho.
Lokhu kuphume emkhosini wokusungula iziqondiso zokusetshenziswa kobulembu be Internet, iICT Policy e Harare ngoLwesithathu lapho inhlanganiso lamankampani akulumsebenzi enikezwe uncedo lwemali yokuthuthukisa ulwazi bobulembu eye ICT.
Umphathintambo obona ngezokutshenziswa kolwazi bobulembu obe ICT, uMnu. Supa Mandiwanzira wazise lumbuthano ukuba ele Zimbabwe selilandela indlela ezintsha ezizasungula indawo okuthiwa ngama hubs asekela imisebenzi ye Technology njengalokho okwenzakala endaweni eye Silicon Valley kwele Melika , e Japan lakwele China.
Unkosazana Varaidzo Majada usebenzela ibhizimusi le Tech village ko Bulawayo..
UMnu. Tafadzwa Munzeyiwa ngomunye owathathela phezulu ulwazi olunge njalo selusebenzisa ukutholisa uzulu I gas ngendlela elula.
Osakhulayo u Sipho Nyoni owafunda ulwazi olunje e University ye Cape Town ubambane lofunda ese kolitshini le Nust u Leroy Nyangani ukuze betholise amandla kagetsi kuzulu.
Umongameli Emmerson Mnangagwa utshayele ihlombe abasakhulayo ngalokho abakwenzayo ethi ulwazi lwe ICT yilo kuphela olungaphathisa kuntuthuko yelizwe ekhuthaza ingatsha zikahulumende ukuba zilusebenzise ekulwisaneni lobudlwangudlwangu njalo lokwazisa umhlaba wonke ukuba ilizwe selivule amasango alo kwezamabhizimusi.
U hulumende uthi usefuna ukuba kube lenhlelo zokufunda ebulenjini ezithiwa yi e-learning, e-government e- health lokuthengiselana ngobulembu be Internet ukututhukisa ilizwe.
Ngakhoke usebumbe isikhwama semali ephathisa abenza inhlolisiso ekhanyayo esebenzelana labalawula ngeze poso lokukhulumisana ngencinto abe Post and Tele Communications Regulatory Authority POTRAZ.
Kunizwe uncedo lwemali kunhlanganiso eziyisithupha ezigoqela i Oyos Muzik, Shift Organic le Native Pen. Inhlelo zokukhulumisana sezifinyelela ebantwini abanengi eZimbabwe ngesilinganiso sokungamatshumi athobamunwe lanhlanhu ekhulwini, i 95 percent njalo zibamba isimo sokungamatshumi ayisikhombisa lanhlanu 75 percent yomhlaba.