Uhulumende wazise ukuba izikolo zizavulwa ngenyanga ezayo kaNtulikazi mhlaka 28. Umphathintambo wezokwethulwa kwemibiko, uNkosikazi Monica Mutsvangwa wazise ngenyathelo leli ngoLwesibili ngemva komhlangano wedale labampathintambo eleCabinet.
Unkosikazi Monica Mutsvangwa umpathintambo wezokwethulwa kwemibiko anda arrive for the 29th post Cabinet press briefing
UMutsvangwa ubike njalo ukuba imihloliso elotshwa ngalinyanga kaNhlangula izaqhubeka njengokuhlelwa kwayo mhlaka 29 kusiyafika umhlaka 22 Ntulikazi, 2020.
Uhulumende uthethe inyathelo leli lanxa ababalisi labazali bekhala ngokuthi akuqale kuhlelwe kuhle ukuthi izaphathwa njani indaba yokubuthanisa abantwana besikolo lababalisi ngalezi zikhathi zokuzama ukuvikela ukumemetheka kweCovid 19, andubana zivulwe. Lokhu nxa kungahlelwanga kuhle bathi besabela ukuthi kulakho ukumemetheka lokuthelelanwa lula igcikwane leli.
UNkosazana Kwanele Moyo, osakhulayo oyisifundi sekholitshini le NUST University, esikoBulawayo, ukhuthaza uhulumende ukuba aqale ame kancane ukuvula izikolo, aqakathekise impilakahle yabantwana lababalisi ukuze umkhuhlane lo, ungamemetheki ezikolo.
UNkosazana Kwanele Moyo
“Uhulumende kumele a-teste bonke, umntwana kanye lombalisi singakavhuli izikolo. Akube mandatory ukuthi wonke umbalisi lomntana a-testwe andubana abantu babuyela esikolo siyebuthana ema clasini sizi exposa to COVID-19, njalo uhulumende kumele aqhakathekise ukuhlanzeka ezikolo, kube lama sanitizer, abantwana kanye labafundi babe lama mask andubana sivhule izikolo,” kutsho uMaMoyo.
Your browser doesn’t support HTML5
Ingxoxo esiyenze loKwanele Moyo