HARARE —
Uhulumende uveza ukuba ulethemba ukuba zizasuswa kokuphela izijeziso zenotho ezabekelwa inkokheli yeZanu PF ngamazwe awe Europe ngemva kokususwa kwesigaba 96, sesivumelwano se Cotonou Agreement esenziwa ngoNtulikazi, 2012. Lokhu kungafezeka kuzaphathisa ukutholisa eleZimbabwe usizo lwemali yokuqhuba imisebenzi yentuthuko ikakhulu kunhlangothi ezigoqela ezempilakahle lezokulima.
Lokhu kuphume emhlanganweni wesitshumi lanye wokubonisana phezu kokungenziwa ekuthini eleZimbabwe lithole usizo phansi kwesikhwama se11th European Development Fund sokuphathisa imisebenzi yentuthuko emazweni asathuthukayo esamazwe awe Europe.
Emhlanganweni owenzelwe eHarare International Conference Centre e Rainbow Towers ngoLwesithathu ekuseni, uhulumende uthi ilizwe lilakho ukuthola usizo lwemali eyedlula kancinyane izigidi ezingamakhulu amabili zama Euro – Euro 234 million nxa lingenelisa ukungena kusivumelwano labe EU kuhlelo lwe National Indicative Programme.
Obengumhlonitshwa kulomhlangano oqoqwe nguhulumende emanyene labe EU labenhanganiso ye National Association for Non-Governmental Associations, umphathintambo wezemali umnumzana Patrick Chinamasa, uthe nxa eleZimbabwe lingatholiswa lolusizo luzaphathisa enhlelweni zentuthuko kusukela manje kusiya kumnyaka ka 2020.
Lokhu kuza ngemva kokukhulumisana kokuphela kundaba zokuvuselela ubudlelwano lamazwe akumanyano we EU lokuletha inguquko.
Ummeli we EU kuleli umnumzana Aldo Dela’Riccia uveze ukuba kuzamele ilizwe liqhubekele phambili ekuletheni inhlalakahle lokulondolozwa kwelungelo loluntu anduba basuswe abalokhe beselele bephansi kwezijeziso zenotho okubalisa umongameli Robert Mugabe lonkosikazi wakhe u Grace kanye lenkokheli zombutho.
Uzulu weHarare uthi lanxa lincomeka lelinyathelo lokutholisa uhulumende usizo kundaba zokuvuselela ezentuthuko elizweni, makungabi yinjwayelo kuhulumende ukuthembela abakwamanye amazwe kodwa adinge indlela zokuzithuthukisa.
Umnumzana Themba Dlamini oyisakhamuzi sase Harare ugcizelele lumbono.
Ugcizelele njalo ekuthini uhulumende kumele adinge indlela zokulondoloza limali ukuze ingebiwa lokutshaphazwa njengaloko osekuthe kwenzakala izimali zinyamalala nje zingasazakali ukuba ziye kuphi lemisebenzi yentuthuko ingasafezekanga.
Kuvunyelenwe kulomhlangano ukuba kumele ingaze yavunyelwa kokuphela imikhuba yokungathembeki ngoba kuyiyona mvukuzane esibuyisele muva imisebenzi yentuthuko elizweni.
Aabantu abangene lumhlangano abavele kunhlangothi ezehlukeneyo zempilo bavumelene ukuba kuqakathekile ukuvuselela ngokugcweleyo uhlangothi lwezokulima olulakho ukuphathisa ekuvuseleleni zonke inhlangothi zomnotho.
Ukusebenzelana labenbhlanganiso ezizimeleyo kubikwa lakho kumqoka ekuthini ilizwe lithuthuke kwezomnotho.
Imibono ephume kulomhlangano khona izakuyakwethulwa abehofisi ye EU ese Belgium besekubonisanwa ukuba kuyini okumele kungene kusivumelwano okumele uhulumende labe EU balobelane phansi ukuqhuba le misebenzi yentuthuko elizweni.
Lumhlangano ungenwe zinkokheli zengatsha zikahulumende, abameli bamazwe akunhlanganiso yeEU kuleli, amalunga edale lephalamende kanye lamalunga avelele enhlanganisweni ezilwela amalungelo oluntu ama Civic Organisations.
Abaphathintambo abakade bekhona babalisa u Proffessor Jonathan Moyo, wogatsha lokukhitshwa kwemibiko, umnumzana Emmerson Munangagwa wezemithetho, u Dr David Parirenyatwa wezempilakahle kanye lo Dr Joseph Made wogatsha lothuthukisa ukusetshenziswa kwemitshina yakulezi nsuku kwezokulima.
Lokhu kuphume emhlanganweni wesitshumi lanye wokubonisana phezu kokungenziwa ekuthini eleZimbabwe lithole usizo phansi kwesikhwama se11th European Development Fund sokuphathisa imisebenzi yentuthuko emazweni asathuthukayo esamazwe awe Europe.
Emhlanganweni owenzelwe eHarare International Conference Centre e Rainbow Towers ngoLwesithathu ekuseni, uhulumende uthi ilizwe lilakho ukuthola usizo lwemali eyedlula kancinyane izigidi ezingamakhulu amabili zama Euro – Euro 234 million nxa lingenelisa ukungena kusivumelwano labe EU kuhlelo lwe National Indicative Programme.
Obengumhlonitshwa kulomhlangano oqoqwe nguhulumende emanyene labe EU labenhanganiso ye National Association for Non-Governmental Associations, umphathintambo wezemali umnumzana Patrick Chinamasa, uthe nxa eleZimbabwe lingatholiswa lolusizo luzaphathisa enhlelweni zentuthuko kusukela manje kusiya kumnyaka ka 2020.
Lokhu kuza ngemva kokukhulumisana kokuphela kundaba zokuvuselela ubudlelwano lamazwe akumanyano we EU lokuletha inguquko.
Ummeli we EU kuleli umnumzana Aldo Dela’Riccia uveze ukuba kuzamele ilizwe liqhubekele phambili ekuletheni inhlalakahle lokulondolozwa kwelungelo loluntu anduba basuswe abalokhe beselele bephansi kwezijeziso zenotho okubalisa umongameli Robert Mugabe lonkosikazi wakhe u Grace kanye lenkokheli zombutho.
Uzulu weHarare uthi lanxa lincomeka lelinyathelo lokutholisa uhulumende usizo kundaba zokuvuselela ezentuthuko elizweni, makungabi yinjwayelo kuhulumende ukuthembela abakwamanye amazwe kodwa adinge indlela zokuzithuthukisa.
Umnumzana Themba Dlamini oyisakhamuzi sase Harare ugcizelele lumbono.
Ugcizelele njalo ekuthini uhulumende kumele adinge indlela zokulondoloza limali ukuze ingebiwa lokutshaphazwa njengaloko osekuthe kwenzakala izimali zinyamalala nje zingasazakali ukuba ziye kuphi lemisebenzi yentuthuko ingasafezekanga.
Kuvunyelenwe kulomhlangano ukuba kumele ingaze yavunyelwa kokuphela imikhuba yokungathembeki ngoba kuyiyona mvukuzane esibuyisele muva imisebenzi yentuthuko elizweni.
Aabantu abangene lumhlangano abavele kunhlangothi ezehlukeneyo zempilo bavumelene ukuba kuqakathekile ukuvuselela ngokugcweleyo uhlangothi lwezokulima olulakho ukuphathisa ekuvuseleleni zonke inhlangothi zomnotho.
Ukusebenzelana labenbhlanganiso ezizimeleyo kubikwa lakho kumqoka ekuthini ilizwe lithuthuke kwezomnotho.
Imibono ephume kulomhlangano khona izakuyakwethulwa abehofisi ye EU ese Belgium besekubonisanwa ukuba kuyini okumele kungene kusivumelwano okumele uhulumende labe EU balobelane phansi ukuqhuba le misebenzi yentuthuko elizweni.
Lumhlangano ungenwe zinkokheli zengatsha zikahulumende, abameli bamazwe akunhlanganiso yeEU kuleli, amalunga edale lephalamende kanye lamalunga avelele enhlanganisweni ezilwela amalungelo oluntu ama Civic Organisations.
Abaphathintambo abakade bekhona babalisa u Proffessor Jonathan Moyo, wogatsha lokukhitshwa kwemibiko, umnumzana Emmerson Munangagwa wezemithetho, u Dr David Parirenyatwa wezempilakahle kanye lo Dr Joseph Made wogatsha lothuthukisa ukusetshenziswa kwemitshina yakulezi nsuku kwezokulima.