Lanxa izisebenzi zikahulumende sezithole iholo lazo ngemva kwamaviki phose amabili zingaphiwanga iholo lazo sezifuna ukwazi ukuthi iholo lebonus lizakuza nini.
Lo ngumbuzo owethulwe emhlanganweni owenziwe phakathi kukahulumende lenhlanganiso emela izisebenzi zikahulumende kudaba lweholo, iApex Council.
Sixoxe lomgcinisihlalo walinhlanganiso, uMnu. Richard Gundane othi uhulumende wehlulekile ukuphendula umbuzo we bonus.
UGundane uthi okunye abakubuze uhulumende ludaba lokubanjelwa imali emholweni yabo bengaziswanga. Uhulumende uthi limali ebanjwayo engaba ngamadola angamatshumi amane ngeyempentsheni.
Kodwa izisebenzi ziyakhala ngemali le ebanjwayo zisithi ngabe uhuluende eqale wama ukuyithatha njengoba ubesevele eliminyaka embalwa engayithathi.
Uthi uhulumende uthi uzathatha enye njalo imali engengangesilinganiso esingamadola angamatshumi ayisikhombisa.
Kodwa uthi emhlanganweni lo kabatshelwanga ukuthi uzayithatha njalo nini le imali.
Ephendula umbuzo wokuthi njengoba uhulumende esithi kalamali bona bathi uzayithatha ngaphi uGundane uthe: “Asikwazi thina khonoko. Esikwaziyo yikuthi icontract ithi kumele sithole imali yethu.”
Your browser doesn’t support HTML5
Ingxoxo loMnu. Richard Gundane