Uhulumende uthi usekhona omunye njalo osetholakale elegciwane le coronavirus elizweni, okutsho ukuthi sebebabili ngemva kwalowo owatholakala elalo edolobheni le Victoria Falls.
Lokhu kuvezwe ngumphathintambo wezempilakahle lokulondolozwa kwabantwana u Dr Obediah moyo ekhuluma lentathelizindaba eHarare ngoMqibelo.
Ngaphambilini kube lembiko elizweni eyokuthi sebebathathu abahlaselwe yileligcikwane, eselibulele inkulungwane lenkulungwane zabantu emhlabeni jikelele, ngemva kokuba uMayor we Harare uCouncillor Herbert Gomba kanye lenkokheli ye MDC ekhokhelwa nguMnumzana Nelson Chamisa bethule imbiko ebifakaza lokhu enkundleni zebulenjini.
Kodwa udokotela Moyo uthi ukhuthaza uzulu ukuba alalele okuvelela kugatsha lwakhe kuphela ngoba kuyilo okumele lwethule imbiko ephathelane leCoronavirus.
Your browser doesn’t support HTML5
UMavis Gama Usethulela Lokudaba
Kusenjalo, umqondisi wezempilakahle lokondliwa kwabanwana eMatabeleland North uDokotela Purgie Chimberengwa uthi owesilisa otholakale eleCoronavirus eVictoria Falls uhlaliswe yedwa ngendlela yokwenqabela ukumemetheka kwaleligcikwane, njalo uyelatshwa. Uthi uhulumende uselandelela bonke ayelabo evela eUnited Kingdom, kanye lasebenza labo ukwenzela ukuthi behlolwe.
Your browser doesn’t support HTML5
UAnnahstacia Ndlovu Uyalandisa