Uhulumende usekhuthaze uzulu ukuthi abekezele nesikhathi elungisisa udaba lokusilela kwamafutha ezimota okuthiwa sekuqala elizweni jikelele.
Usibalukhulu wogatsha lukahulumende olubona ngamandla lamafutha ezimota, uMnu. Partson Mbiriri utshele iphephandaba le The Herald ukuthi uhulumende uphakathi kokubuthanisa imali yokuthenga amafutha la ngakho kumele uzulu engabi lokwesaba.
Kutsho uMbiri: "Kade kusenzakala yikuthi amankampani amafutha kade esithi engazama ukuthatha imali yokuthenga amafutha kade kusiba lodubo lokuthi ibhanga lesizwe, ele Reserve belisithi akula mali."
Ingcwethi ezicubungula ezenotho zithi okubangela loludubo yikuthi ilizwe kalilampahla yokuthengisa kwamanye amazwe ukuze kutholakale imali yokuthenga amafutha la.
Ukuhlaziya loludaba sixoxe lengcwethi ecubungula ezenotho uMnu. Busisa Moyo okhokhela inhlanganiso yabosomabhimusi eye Confederation of Zimbabwe Industries.
"Indaba leyo yokushota kwezimali ezokubhadalela phandle kukhanya luyahlupha ngoba imali kayikho," kutsho uMoyo.
Your browser doesn’t support HTML5
Ingxoxo loMnu. Busisa Moyo