Abasekli bebandla leZanu PF abagoqela iziphathamandla zalelibandla sebedlela evalweni kulandela imbiko ethi uhulumende usezabhoda ngelizwe ephungula inani lamapulazi amakhulu ethathela abangawasebenzisi ngemfanelo.
Lanxa uhulumende eseke wezenza inhlelo ezimbalwa zokucwayisisa abalamapulazi amakhulu labangawasebenzisiyo akukaze kuthathwe nyathelo.
Kodwa kumbiko ayethule ephephandabeni le Herald umphathintambo wezokulima, uMnu. Douglas Mombeshora uthi loluhlelo luqala kuyonale iviki esigabeni seNkabazwe njalo uzaqhubeka esiya kwezinye izigaba kumaviki alandelayo.
Ezinye ingcwethi kwezombusazwe zithi uhulumende engaba esethatha inyathelo kathesi yena wayengathathinyathelo kulandela ukuxabana okusebandleni leli, kuxotshwa ezinye iziphathamandla.
UChris Gande weStudio Seven uxoxe lengcwethi kwezokulima, uMnu. Mandla Nkomo othi ukuquma amapulazi akusoze kulungisise udubo lokungalimi ngemfanelo.
Your browser doesn’t support HTML5
Ingxoxo loMnu. Mandla Nkomo