Umphathintambo wezemali uMnu Tendai Bbiti uthi uhulumende we Zimbabwe lokhe emotsha imali enengi kakhulu kunhambo ezingaphathisi uhulumende kangako.
Intathelizindaba yethu uMark Peter Nthambe ubika ukuthi uMnu. Biti ukhale ngokuthi okubuhlungu yikuthi kalamandla okukumisa ukusetshenziswa kwemali yilabo abaya emhlanganweni emazweni.
Kusenjalo, ingcwethi kwezenotho zithi kusobala ukuthi iziphathamandla zikahulumende ezidale indleko enkulu ngoZibandlela zisethekelela amazwe atshiyeneyo, ziphanda imali njengoba zihola imali encane.
Ingcwethi lezi zithi kumele uhulumende ahluze imihlangano okumele ihanjwe nguMongameli Robert Mugabe labasekeli bakhe, yinhloko kahulumende labasekeli bakhe kanye labaphathintambo bakahulumende.
Zikhuthaza njalo ukuthi kumele kuthunyelwe amaqula abantu abalutshwana ukuyathapha okunganceda ilizwe.
Imhlangano eminengi eyenziwe emazweni nyakenye kayizange incede umnotho we Zimbabwe.
Eyinye yalezingcwethi uMnu. Masimba Kuchera uthi inguquko kumele iqalise ewofisini kamongameli welizwe ojayele ukuhamba labantu abanengi okwamagama loba esiya kukhefu lakhe lomnyaka.
