Inhlanganiso yamagqwetha alwela amalungelo oluntu, iZimbabwe Lawyers for Human Rights, ithi ukudilika komnotho sokubangele ukudlondlobala kokwephulwa kwamalungelo kazulu nguhulumende.
Iqula lenhlanganiso le litshele idale lephalamende ngoLwesithathu ukuthi abantu abanengi abanakanelwa ukuthi basekela amabandla aphikisayo bancitshwa ukudla okwabelwa abantu abalambayo.
Isiphathamandla salinhlanganiso uMnu Dzimbabwe Chimbga usole njalo uhulumende esithi ukhanya engazinikelanga emizameni yokudinga uMnu Itai Dzamara.
UMnu Dzamara, oyintathelizindaba njalo elwela amalungelo oluntu, uthunjwe ngabantu abangaziwayo ngoMbimbitho nyakenye njalo lanamuhla akwazakali ukuthi ungaphi lokuthi uyaphila na.
Amazwi eZimbabwe Lawyers for Human Rights agcizelelwe yisiphathamandla seMDC-T njalo elilunga ledale lephalamende uMnu Abednico Bhebhe.
Your browser doesn’t support HTML5
Ingxoxo loMnu Abednico Bhebhe