Uhulumende womanyano usekhethe inkampani ye Essar Energy Holdings eye Mauritius ukuthi isebenze le Zimbabwe Iron and Steel Company (ZiscoSteel) ukuvuselela linkampani eyadilika ngomnyaka ka 2008.
Umphathintambo wezamafekithali uMnu. Welshman Ncube uthi iEssar incinte amankampani anjenge Jindal Power and Steel yakwele India kanye le Sino-Zimbabwe ye China esebenzela eZimbabwe.
Umnu. Ncube uthi linkampani isizakhulumisana lohulumende ukwenzela ukuthi kuvunyelwane ukuthi ingathola amashares anganani ku ZiscoSteel.
Umnu. Ncube utshele uGibbs Dube we Studio 7 ukuthi inkampani ye Essar isikhangelelwe ukuthi iqalise masinyane ukuthi ivuselele ukwenjiwa kwensimbi eZiscoSteel.
