Uhulumende seguqule injongo yomthetho asusa ngawo abantu beChilonga, eChiredzi emizini yabo, oweStatutory Instrument 50.
Umthetho lo, wona osolwa kakhulu ngabanengi ubusithi indawo le izasetshenziswa ukulima utshani benkomo.
Kodwa izolo uhulumende ukuguqulile lokhu waloba ukuthi umhlabathi lo uzasetshenziswa ukulima kuphela engacaci ukuthi kuyini okuzalinywa kulindawo.
Ukuveze sobala njalo ukuthi uya phambili ngokuxotsha abantu abazinkulungwane ezilitshumi lambili, 12,000, emizini yabo lanxa inengi likuchothoza lokhu.
Umthethwandaba kamantshi umise ukususwa kwabantu laba okwesikhatshana ngeviki edluleyo ngoba esithi uhulumende kalandelanga umthetho.
Igqwetha uMnu Dumisani Dube uthi inguquyo le ayisoze intshintshe isinqumo sikahulumende sokuxotsha abantu laba.
Your browser doesn’t support HTML5
Ingxoxo loMnu Dumisani Dube