WASHINGTON —
Okwethulwe nguhulumende ngoLwesithathu othi sokumele kungenele amanye amazwe lenhlanganiso ezizimeleyo ukuze kwenqabelwe indlala eZimbabwe, sokudale inkulumo elizweni kulabanye abathi abasekela amabandla aphikisayo kabasoze banikwe ukudla nguhulumende kaMongameli Emmerson Mnangagwa.
Bathi lokhu kuvamile emaphandleni okulabantu abaphikisayo abanganikwa ukudla abangelabudlelwano lebandla elibusayo.
Kambe lokhu kuzaguquka na lonyaka eZimbabwe okulendlala eyesabekayo?
UMnu. Kuda Munsaka, okubandla leZanu PF, uthi akusoze kuncitshwe abantu abaphikisayo ukudla.
UMnu. Fortune Mlalazi, olandela ezombusazwe ezimele, uthi akusoze kuguquke okwenziwa libandla leZanu PF elivame ukusebenzisa inkokheli yomdabu ekuncitsheni abaphikisayo ukudla kukahulumende.